وجهة نظر في .... ........

[azizfm]

بسم الله الرحمن الرحيم
احب اول شي اسلم على جميع اعضاء المنتدى وامسيهم بالخير
واحب اعرف بنفسي بما انها اول مشاركه في هالمنتدى الجميل
انا من اشد المعجبين او بالاصح من اكثر المحبين لراشد ولفنه
وانا متابع جيد لكل ماينشر في المنتدى والمجلات والجرائد وعندي فكره جيده نوعا ما بكيفية جلب واعطاء الاخبار عن الفنان راشد من ايام المنتدى الذي سبق مملكة راشد ومن بعده مملكة وصولا إلى هنا
والذي دعاني للكتابه الان هو صدور بعض الافكار المشوشه على خلية عمل قسم الاخبار التي على راسها الاخ عــــاشق العندليب الذي لا اعرفه إلا من خلال منتديات راشد وتحديدا من اخباره الممتازه عن فناننا المحبوب راشد
اود قول كلمة حق في مشرفنا الاخ عاشق العندليب الذي فرغ نفسه للنهوض بمنتديات راشد الذي لاننكر انها تقوم على الاخبار والاغاني كاهم قسمين في منتدى اي فنان بغض النظر من هو
فالاخوان والاخوات الذين ينقصون من عمل هذا المنتدى نشكر اهتمامهم براشد وحبهم له
ولكن
راشد يعتبر من اذكى وادهى الفنانين واغمضهم عن كل مايخصه سواء على صعيد الشخصي او الفني حتى في اهم شي يخص الجمهور بعد الالبوم وهو الحفلات التي لاتعمل وان عملت تكون من خلال برنامج دقيق مدروس وانا اشهد بذلك ولدي دلائل على ذلك لمن يريد التوضيح
فلا نلوم اي عضو او مشرف في عدم وجود معلومه او عدم حصولها او تغيرها لانها تتبع الى مزاج راشد الصعب
بل اود اشكر كل من تعب وبحث وسئل ليجلب المعلومه للمنتدى وللاعضاء الاعزاء
وم هنا اود من كل عضو نسي ما حصل في الايام القليله الماضيه وعلى راسهم اخونا الغالي عاشق العندليب الذي لن نوفيه حقه وانا عني وعن الاعضاء اود اتأسف له عن مابدر من تشكيك في جهوده المشكوره واقوله تحملنا وكل هذا ماطلع الا عشان راشد ولا يهنون باقي الاعضاء جميــــــــــــــــــــــــــعاً
*كلامي مكرر ولكن هذا ما اودت قوله
*كتبت في منتدى الاخبار ليصل صوتي
والسلام خير ختام

[راشد^حبيب^قلبي]

يستاهل عاشق العندليب هالكلام الطيب

وآه ليت اللي يصرخوون ضده ويحاولون

يكسروون مجاديفه يعرفوون ابو راشد

شيسوي كان صدقني محد تكلم ضده

لكنهم مساكين على بالهم المسأله سهله

عاديه لانهم ماعاشوها ولا جربووها

طلال يتعب تعب الله يعلم فيييييه ومع

هذا ماله اي مصلحه منه ولا يجيه مردود

مادي ولا مستفيد اي شي من التعب

هذا كله الا حب اعضاء هالمنتدى ومحبين

راشد بشكل عام وهذا هو الاهم عنده

من كل شي وبالعكس ترا يخسر من جيبه

الخاص على شان خاطر عيون جمهوور راشد

يعني لاتحسبوون هالمكالمات الدوليه اللي

تكوون بشكل شبه يوووومي بلاش ...

وعلى فكره اذكر مره على ايام المملكه

وقت تنزيل البوم الهدايا يوم اول واحد نزل

البوم الهدايا قبل لاينزل بالاسواق كان

عاشق العندليب وقتها كنت اكلمه وقالي

ان الشخص اللي نزل الاغاني على سيدي

قبل لايسويها قال طلال ترا راح تخسر

المبلغ مو بسيط قال مالك شغل انت بس سوه

وانا اتحمل كل شي يهوون لعيون الحبايب

شفتوا شلوون ؟؟!!!

لا ومره صادف ان كانت سفرتنا وحده باريس

والنمسا وقضينا تقريبا 21 يووم ورجع قبلي

بسبوووع تقريبا لاني ررجعت بيرووت وبعدها

بسبووع رجعت الكويت وتخيلوواا بعدها بسبووع

تقريبا قالي يالله عندنا موعد مع راشد جهز نفسك

بنرووح لبلنان مع اني توني راجع منها قلت يالله

مع العلم انتوا عارفين المصاريف والتعب من بعد

باريس والنمسا وبيرووت الواحد يرجع ايد قدام

وايد ورا :)

واعتقد طلال ذكر الموقف اللي تلقينا فيه مبلغ

من الغالي راشد عن طريق الحبيب الخاطر على

اساس انهم يتحملوون مصاريفنا وتذاكرنا ولكن

رفضنا وبشده هالشي وقلنا بصوت واحد مستحيل

ناخذ شي وقال طلال هذا كله لعيوون الحبايب

اللي قاعدين ينتظروونا نرجع ومعانا المفاجأه

اللي ماكان احد متوقعها واللي كانت من ثامن

المستحيلات ولكن بعد محاولات قدرنا نجيبها

وفوق هذا اغنيتين تجرحي & الليل ..

فاللي بوضحه ان طلال يتعب ويشقى لعيوون

جمهوور راشد مع العلم انه موظف ومتزوج

وعنده ولد الله يخليه له يعني عنده التزامات

واولويات كثيره ومع هذا تلقوونه دائما

متواجد وقريب من الاعضاء ويخصنا باخبار

ومفاجآت تسعدنا وصدقووني هالشي يثلج

صدقه واسألووني انا لاني قريب منه وحاس

فيه ..

انا بس حبيت اسجل هالكلمه شهادة حق في

هالرجل الغالي علينا كلنا (عاشق العندليب)

وشكرا..

[اسيرةالماجد]

راشد حبيب قلبي كفيت وفيت في حق عاشق العندليب



مو من المفروض يقابل تعبة بالتشكيك من قبل الاعضاء



بعكس المفروض يقابل بشكر خصوص ان يضحي بوقت


في سبيل رقي المنتدي وكمان اتمني منك راشد حبب قلبي


اطلاتك تستمر معنا في المنتدي لانك انت وعاشق العندليب كنتم


ثنائي حلو في مملكة راشدا لماجدانشاء اللة يستمر هنا في منتديات السندباد


مثل ماكنتم في مملكة راشد الماجد

[محامي راشـد]

(( راشـد حبيب قلبي )) ,,,


مشكور أخوي (( فهد )) على توضيحك لــ كل التعب و المعاناة

اللي تواجه (( عاشــق العندليب ))

لأن لــ الأسف في ناس مهما تسوي لهم مايبين بــ عينهم :(


أقسم بــ الله العظيم ,,,

أني عشت أيام كثيره في (( مملكة راشـد & منتديات السندباد ))



شفت وتعرفت على الكثير من الأعضاء الغاليين حيل على قلبي

وكلنا كــ أعضاء نحب (( راشـد )) حيل ونموت فيه


ولكن ,,

(( عاشــق العندليب )) غير .. غير .. غير



هذا العضو مو بس يحب (( راشـد ))

هذا يحب (( راشـد )) ويحب (( جمهور راشـد )) !!!


كل اللي قاعد يسويه لنا من أخبار حصريه ومافجآت

ومع هذا مو سالم من كلام (( بعض الناس )) للأسف !!!



ولكن اللي يعجبني بــ (( عاشــق العندليب ))

أنه قاعد يــ كمل مسيرته وشغله بــ نجاح محلوظ (( ماشاءلله .. تبارك الله ))


ومو مهتم أبد بــ اللي قاعدين يقولونه


مثل سياسة (( راشـد )) بــ الضبط مع الصاحفه والأعلام


كل مايهاجمونه وينتقدونه يزيد نجاحه !!



سلامي لــ الجميع ,,,

[*أمير الإحساس]

وش رااح نقوول ووش رااح نخلي في الغالي

طلال (عاشق العندليب)

إنساان رااقي بتعامله مع الكل

ويكفي إنه يحب رااشد وجمهووور رااشد

يعطيك العافيه أخوي فهد

على كلامك الجميل وتوضيحك الأجمل

وياليت اللي ينتقدوون أبو رااشد يقروون هالكلام عنه


أقوولها وبعالي الصووت

تسلم على كل شي يالغالي أبو رااشد

سعود

[couldwater]

يستاهل كل الخير عاشق العندليب ، ملك الاخبار ، ومهما شكرناه ما بنوفيه حقه

[عاشق العندليب]

هلا اخوي

مشكور على مشاعرك الطيبه والجميله

وهذا يزيدني شرف

........

وصدقني أنا كل ما القى نقد

أزيد من داخلي في البحث...

صحيح أن الاخبار عمليه صعبه جدا

ولكن؟؟؟

الواحد يأدي اللى عليه والباقي على الله

....

بصراحه أطمح بأن يكونوا جميع الاعضاء

ومحبين راشد

في رضاء تام..عني..

ولكن؟؟

مرات الانسان يصطدم في أموور تعوق أو توقف مسيرته..

عالعموم..

راح نحاول الكشف من المزيد عن اخبار راشد

مع العلم

بأن ليس هناك اي تعاون ولو 1% من راشد...


يسلمو للجميع على مشاعره الطيبه

ولا خلا ولاعدم


احترامي

[المسافر]

شهادتي مجروحة في بوراشـد
ولكن ..
أخوي راشد^حبيب^قلبي
كفى ووفى

وعاشق من الأشخاص اللي يعتز الواحد بمعرفته
بعيداً عن موقع أو خبر
لأنه رجل يعمل بصدق .. وبأحترام
وقدم الكثير لجماهير الماجد .. بدون مقابل
فله منا كل الحب والشكر والإمتنان


إحترامي

[مجنونة المـاجد]

تستهال يا خوي تستاهل

[مجنونة المـاجد]

اقصد تستاهل كل طيبه واحترام

[الباحث ع الحقيقة]

تم التحرير من قبل الإدارة
قل خيراً أو أصمت..!

[توتي الرياض]

جميع من عاشر منتديات راشد بجميع مراحلها
لابد ان يقول كلمة حق
ان من ابرز المؤثرين فيها
هو عاشق العندليب هو ورفيق دربه فارس الرياض
واقسم اني كنت افكر في كيفية جمعهم لهذه الاخبار الحصريه
حتى تعبت من التفكير وقلت مالها الا رجالها :)

هذا وهو تفكير فقط
الله يعطيك الف عافيه عاشق ولاننحرم منك ولا من حصرياتك

[رعبوب السعودية]

كل اللي اقدر اقوله

يعطيك الف الف عافية يابو راشد

على كل اللي سويته وتسويه لاسعاد جمهور راشد

واللي انت بكل فخر واحد منهم

والله يخلي لك راشد الصغير والكبير *cool3*

،
،

واقول بعد كلمة لكل من يحاول الاساءه لابو راشد

الله يشفيك

وان ماشفاك

الله ياخذك *roflmao*



وبس



سلا1111مي،،،،؛

[الصمت المجروح]

يعطيك العافيه يالغالي

يعطيك العافيه بو راشد دمت للمنتدى

تحياتي اخوكم مياه الصفا

[ناعمه بس خوافه]

البـ1حث عن الحقيـــقه ليــه الجرح حرام عليـــك
يعطيك العافيه اخوى على الموضوع واحنا مانعترض على شيى الى يهمنا اخبار راششد الماجدد وبسس

[azizfm]

السلام عليكم


اولا اود اشكر كل من تفاعل في هالموضوع وقال كلمة الحق في المتميز والمتالق عاشق العندليب

والله يا اخواني ان هذا التكاتف والاخوه الي في المنتدى في اي موضوع شي يفرح القلب وخاصه في مثل هذه الامور الي يحاول (المخربين والمشوشين)اثارتها انها لن تنفع ولن تجدي ابدا مع الاخوه في هالمنتدى

وراح يستمر المنتدى بعد اذن الله ثم محبتنا لبعض وكذلك لراشد

وكذلك سنقف في وجه كل من يحاول او تسول له نفسه اثارة مشكله غير حقيقيه


ومشكورين والله يتمم بخير :d :d

عزيز اف ام

[طفشان]

[quote=
....
بصراحه أطمح بأن يكونوا جميع الاعضاء
ومحبين راشد
في رضاء تام..عني..
[/quote]



ابوراشد حبيب قلبي والله راضين ويشهد ربي ... كفيت ووفيت وتعبك على العين والراس ماراح بلاش .. وقليله بحقك كلامات الشكر ... واصل الابداع الله يعطيك الف عافيه ويساعدك ولاعليك في المشككين ... بالعكس الظربه اللي ماتوجعك تقويك ... بالتوفيق اخوي

[واقعي]

اولا اشكرك اخوي على طرحك للموضوع

بصراحه بعد كلام الاخوان في عاشق

مادري الواحد وش يقول

عن الاخ بو راشد

عن طيبته ولا عن اخلاقه ولا عن اخباره الحصريه

ولا عن احترامه للجمهور والاعضاء

يعني اعطى عطاء ما احد ولا راح احد يعطي مثله


ما اقول الا الله يعطيك العافيه

ومثل مافي ناس حاقدين في ناس اكثر تقدرك يابو راشد

[₪ شموخ السندباد ₪]

بصراحة مافي كلمة شكر توفي بو راشد حقه ....
وماراح ازيد على كلام الاخ راشد حبيب قلبي ...

وكل اللي قاعدين يتفلسفوا ويقولوا له ان نشاطه قل او يشككوا في مصداقيته هذول نفوس مريضه .. معقده ..حاقده ... يموتوا قهر لو يشوفوا احد ناجح او محبوب ... وهم بداخلهم عارفين ومتأكدين ان عاشق محد يقدر يلومه او يتهمه بالتقصير ... لأنه مو مقصر بشي ... بالعكس اللي مقصر باخباره هو راشد نفسه ....


بالعكس بدل ما تلوموه او تتهموه بالتقصير المفروض كلنا نشكره .... عالاقل هو قاعد يتعب ويدور على الاخبار وكل هذا بدون اي تعاون من راشد .... يعني لو راشد متعاون معاه او يعطيه اخبار اظن كل ساعة بيجيب لنا خبر اذا هو الحين وبدون راشد شوفوا كيف كل يوم والثاني بخبر ..... وكل هذا ويقولوا مافي مصداقية واراء مختلفة ومدري ايش .....


بس عالعموم كل اللي اقوله اننا مع عاشق بأي خبر يقوله وعمرنا ماراح نشكك بأخباره لأننا واثقين فيه كل الثقه ... واسمه خلاص صار مرتبط باخبار راشد ..... يكفي انه قدر يجيب اخبار حتى المجلات والجرايد وكل الصحافه ما قدروا يجيبوا ولا ربعها ....


واللي مو عاجباه الاخبار او يشك فيها خليه يطلع من المنتدى ... ويشوفله مصدر ثاني يجيب من عنده اخبار راشد .....



وكل الشكر لك اخوي على طرحك للموضوع ......:)

[8شاعرةالكويت8]

هذي كلمة حق لازم تنقال علي لسان كل واحد بالمنتدي لجهود بو راشد علي كل معلومه يقدمهغا لنا واللي يخص راشد الغالي علي وعليكم


واشكر كلامك الحلو اخوي وما قصرت

[azizfm]

هلا اخواني

والله شي يثلج الصدر كذا تحس انك بين اخوانك كذا تحس انك في بيتك نبغى نرد على كل من يشكك في عاشق او في المنتدى لان عاشق هو الي مقوم المنتدى بعمله الدؤوب وبدون مجامله


والف شكر لكم اخواني على تفاعلكم ومو مستغرب منكم


تحياتي