شصار على الالبوم ؟؟؟

[Q8--Man]

مرحبا بالجميع

أنا بدش بالموضوع على طول بسأل سؤال فى بال جميع الأعضاء وادري انه مكرر واتمنى الجواب من اخوي عاشق العندليب شنو اخر اخبار الالبوم اخر مره قلتوا ان الالبوم بشهر مايو ومايو قرب ولاحس ولا خبر نبى عرف تفاصيل الالبوم وموعد صدوره والف شكر مقدما يابوراشد *cool3*

[الأموورة]

لاحس ولا خبر


ايش المنتدى هاذا؟؟؟؟؟؟؟؟؟؟

[مجنونة المـاجد]

هذا منتدى راشد الماجد انا بعد مثلكم ما أعرف شئ زيادة غبر انه في اغنية اسمها او في مطلعها يقول راشد


ياللي بعيد عن عيني .. دريت أو ما دريت ..

هذا اللي اعرفه عن الألبوم الجديد من راشد و الله اعلم .. وقولكم عسا ان تكروهوا شيئا وهو خيرا لكم يمكن اليحن ربي مايبيكم تعرفون متى بينزل الألبوم كذا لحكمة يعلمها ربي . وتحياتي ..



8




8





8




8

ياللي بعيد عن عيني دريت أو مادريت ..


اموت فيك ياراشد...


ليتك تحس فيني بس ولو حتى تعرف انه في وحدة بالمنتدى اسمها مجنونة المـاجد تموت فيك موت فوق لخيال ..

[ابن العاصمة]

وسعو صدروركم

بدري على الالبوم ماتعرفون راشد!

[برود-أعصاب]

الاكيد ان الالبوم تو الناس عليه .. يعني اتوقع برايي الشخصي .. بعد 8 اشهر .. يعني مع بداية 2007 او نهاية 2006

[مشواار]

اول مره اشوف كل هـ التحفظ وبكل صراحه اتوقع الألبوم
جدا جميل اتمنى


اننا نتفاجئ بنزوله



مشواار

[عاشق الهدايا]

كل تأخيرة فيها خيرة

[][][ alwafi ][][]

لحد الآن مافيه لاحس ولاخبر من راشد !

وأظن أكثر ناس تعرف راشد في تحفظه وتكتمه هو أنتم جمهوره فلذلك

اصبروا الين مايفرجها ربكم ونسمع كذا خبر عن الألبوم !


دمتم بخير

[][الحب الجديد][]

الا خت اللي تقول هذي حكمه يمكن ربي ما يبيكم تعرفون

حرااام عليك تراه البوم لا راح ولا جاء وكله فن كيف تقولين حكمه !!!!!!!!!

[محرقية عسل]

اكيد انه تاكاجد بياجله بعد ما ماتت يدته الله يرحمها
محرقيوووو عسل

[WALLED]

اعتقد الالبوم بعد رمضان والله اعلم

[awsi]

الالبوم

راح يجهز

ويحذف

ويعدل



لازم هالخربطه ذي


يعني عطه 6 شهور

[عاشق العندليب]

هلا اخوي

اول شئ: لازم تعرف
لو عندي خبر عن وقت وصدور الالبوم

كان بدون لا احد يتكلم انا اطرح الوقت

ولكن ؟؟

الامر بين راشد وشركة فنون الجزيره

وراشد معاه حق لانه حاب يشتغل على اقل من مهله وراحته..

وكان الاتفاق المبدئي
بين راشد وشركة فنون الجزيره

على طرح الالبوم نهاية ابريل أو بداية مايو..

ولكن؟؟

وفاة جدة راشد

أجل الالبوم الى غير مسمى..

مع العلم ان راشد بدأ بالعمل في الالبوم..

بس متى وقت الطرح الله أعلم..

في الصيف أو بعد الصيف أو في عيد الفطر..

كلها اوقات مقترحه..


اي شئ يأتيني صدقني ماراح أبخل عليكم بشئ
أبدا..

اكرر اعتذاري
ولكن ؟؟
الامر مو بيديني الامر عند راشد وفنون الجزيره...

اسمحلي اقفل الموضوع
للانتهاء من الرد على السؤال المطروح..


احترامي..


(( برايفت ))

للأخت الأموورة :: تقول ..

Quote=الأموورة]لاحس ولا خبر
ايش المنتدى هاذا؟؟؟؟؟؟؟؟؟؟[/quote]


ما ادري اختى
هل تشوفينا مقصرين بشئ..

اذا المجلات والصحف ما يطرحون أي شئ عن راشد

فهذا أكبر دليل على التكتم والتحفظ من راشد

حتى انهى الالبوم...

والحمدالله

في هذا المنتدى طرحنا أخبار عن الالبوم
سبقنا فيها اقرب الصحف والمجلات عند راشد..

مثل ::

اغنية
(( تطلبون شئ )) >>> (( ساحرني ))
كلمات : منصور الشادي
الحان : فيصل الراشد..


اغنيه
(( عسى الايام تجمعنا ))
كلمات: خالد البذال
الحان سليمان الملا


اغنية
(( قلبي يحبك ياغالي ))
كلمات : خالد البذال
الحان : احمد المطوع

اغنيه
(( صخر جلمود ))
كلمات : يوسف الصابري
الحان : مشعل العروج..


غير تعاونات


مع شعراء:
الامير : بدر عبدالمحسن
اسير الشوق
مساعد الشمراني
كاظم السعدي
أنور المشيري
مبارك الحديبي


مع ملحنين:
صالح الشهري
د. عبدالرب ادريس
أحمد الهرمي
فايز السعيد
بودله
شاعر +ومنذر
نزار عبدالله
مهند محسن
صلاح الهملان
وليد الشامي..


ولكن؟؟

كل هذه التعاونات مع غيرها

جميعها تحت انظار راشد

لم يحدد الشئ الاكيد المطروح 100%


متى ما تم اعتمام اغاني الالبوم

ان شاء الله راح يكون متواجد في المنتدى..