تخبطـــات قسم الأخبار والأغاني !!؟!!

[ميس]

السلام عليكم ورحمة الله وبركاته
عندي بعض التعقيبات على بعض المواضيع
)) تجرحي والهدايا حصريا عالعود ((
تعريف كلمة حصريا :: شي لا يوجد إلا عندك ولا يستطيع أحد الوصول إليه قبلك
وهالأغاني كان بمحتوى أكثر مستخدمي الانترنت طول 6 اشهر ماضيه
وكذبت وقلت انتشرت بالجوالات وتعرفون من المصدر !!!
عاشق العندليب وتخميناته الحلوه
في معلومات عن أغنية الليل للأسف تجهلها أنت يا عاشق
وأنا بقولك الشي الغريب بالموضوع بيني وبينك
أبي أرحل
الكلام ماهو صحيح أن الأغنيه تحولت إلى سعد الفهد
وأنا بيني وبين الشاعر علاقه قويه ويقول الكلام غلط 100%
وعلى فكره راشد غنّا مقطع منها بجلسه وأنا متأكد من كلامي
آخر كلامي ياليت يكون المصداقيه هو الشعار
ويا هلا
أختكم / ميس

[واقعي]

هلا اختي ميس

بالنسبه لموضوع اخبار


راشد


ياليت تعرفين اختي ان اخبار عاشق العندليب

100 \ 100


والدليل ان اغلب الجرائد تاخذ منه ....


والادله كثيره


اما بالنسبه لاغنية ابي رحل


يعني معقوله اغنيه لها 13 سنه والى الحين ما انزلت ...!!!!

[رعبوب السعودية]

شكرا اختي ميس على الافاده الجميله :)

وبالنسبه لعاشق العندليب >> بو راشد

فحنا واثقين من اخباره ومصادره

" وتخميناته الحلوه " كانت وما زالت

اغلب الصحف تتسابق عليها

لانهم عاجزين عن الوصول لراشد

وهالشي مو انا ولا انتي اقوله

وحياك الله


سلا1111مي،،،،؛

[عاشق العندليب]

هلا ميس

ايماناا مني بالمصداقيه


وحرية الرأي

راح أثبت الموضوع لك..


وأخلى أمام العلن وأمام الاعضاء كلهم..


...
أول شئ ياهلا فيج ومرحبا

سواء كنتي بنت أو ولد !!؟؟


ثاني شئ

بالنسبه للحصري..


نعم يجب أن تكون الاغنيه متواجده فقط عندنا

ولكن؟؟


هذا ما يمنع ان نضع عليها رابط الموقع


مدام الاغنيه متواجده بنسخه صافيه


وبدون توثيق

فمن حقنا كمنتدى أن نضع رابط الموقع على الاغنيه

لتتويج الجهود في الحصول على هذه الاغاني بدون توثيق..


واذا على كلمة حصريا


هذه امورها سهله

فلو تلاحظين المسلسلات في رمضان

كلمة حصريا على اغلب القنوات

وبعض هذه المسلسلات متواجده في اكثر من محطه...


فكلمة (( حصريا ))

لها دلالات كثيره

وفوائد كثيره

لا يستطيع فكرك احتوائها !!!؟؟؟
.................................................. ................


أما بالنسبه لتخميناتي الحلوه

الحمدالله انها حلوه اول شئ..


وأنا عمري ما كتبت تخمين بحياتي

اللى اعرفه انتظر عليه حتى اتأكد منه..

فليس لي ذنب اذا راشد الماجد

غير في فكره أو اغانيه..


الحمدالله تربطي مصداقيه كبيره بيني وبين الاعضاء

سواء قديما

أو حاليا..

والأمثله كثيره...


بالنسبه لأغنيه الليل


يشهد الله أنا ما قلت الا الحقيقه


عن خلاف حصل بين الشاعر وراشد


عن غناء الاغنيه

بمذهب و كوبليهين

أو

بمذهب و3 كبليهات..


وأكبر دليل على كلامي


نزول الاغنيه (( الليل ))

في عالم الانترنت ((( بمذهب وكوبلهين))

ونزول (( الليل ))

في امارت fm (( بمذهب و3 كوبليهات ))


واغنية الليل من الاغاني (( المدفوعه))

كالاغاني الخاصه الامارتيه التى يتغنى بها السندباد دائما..

وهي حق من حقووق الشاعر
وهو يتصرف بها..


للخلاف الذي حصل بين الشاعر وراشد

عن الاغنيه التى تطرح في البوم الحل الصعب

سواء بكوبليهين أو 3 كوبليهات
غض النظر راشد عنها..



والاغاني الامارتيه المدفوعه

كالليل أو رعبوب أو حبكم وسط الحشى أو دلوعتي

يكون الاتفاق بين الشاعر وراشد على طرحها في البومات راشد الرسميه
لأعجابه بها..


ولكن بموافقة الشاعر اولا ...

فأغاني (( رعبوب , وحبكم , دلوعتي ))

كان التفاهم واضح بين الشاعر وراشد

أما (( الليل ))

فحصل الخلاف على صيغة طرح الاغنيه

وانتهى الامر...


.................................................


أما بخصووص (( ابي ارحل ))

أول شئ

انت تقوول انك متأكد من كلامك >> بصيغة رجل

وآخر شئ تقول أختكم ميس..!!؟؟؟

فما عرفنا انت منو..!!!!!!!!!!!!!!!!!!!؟؟؟



اغنية ابي ارحل

أنا اكثر واحد في العالم سألت راشد عنها وعن تفاصيله
وحاولت أعرف ما مصيرها...


واذا لك معرفه بالشاعر (( على العسيري ))

ياليت تستفسر منه

لماذا صرح قبل 3 سنوات

عن انتقال الاغنيه الى الفنان (( سعد الفهد ))

وان سبب انتقال الاغنيه بسبب خلافه مع شركة (( فنون الجزيره ))..

واذا انت متأكد من كلامك

حتى أنا متأكد ان الاغنيه بحوزة سعد الفهد

وموجود تسجيل لها بدون موسيقى بصوت سعد الفهد...

أما بخصوص المقطع من الاغنيه بصوت راشد

فهذا طبيعي جدا

لأن راشد يحب هذه الاغنيه

وأكيد يدندن بها دائما..


وياما سمعنا لراشد أغاني لم يطرحهاا ونزلها في جلسات على العود
كـ (( دخلنا في المعروف ))

و اغاني غنّاها في حفلات ولم يطرحها
كـ (( بودكم يا أحبابي ))


اختى ميس
أو اخي ميس..

عدد المشاركات 2!!!؟؟


يعني اتيت للمهاجمه فقط لا غير


وليس كما تدعي

شعار (( المصداقيه ))


ياهلا ومرحبا فيك أو فيج

[ميرندا]

:confuse: وش السالفه

*boxed* فيه خناقه هنا

*brows* على العموم حنا على ثقه تامه بكل الأخبار اللي يطرحها لنا عاشق العندليب

لأن علاقته بأخبار راشد ليست من أمس أو قبل أمس

بل هو مخضرم في هالمجال

ودمتم سالمين

[][][ alwafi ][][]

ههههههههههههههههههههه

ميس ( أحتفظ بأسمك الحقيقي ) *smoke*

اولاً المدح في وجه الرجل مذمه وعاشق أخباره صحيحه ولو لا الله ثم عاشق

لما حصلنا على كثير من الأشياء وأولها أغنية الليل عندما قام بطرحها عاشق

قبل سنتين تـقريباً مع أغنية تجرحي

ثانياً عاشق معروف من أيام ماكنت تصدقه وتفرح بكل الأخبار اللي يجيبها

ثالثاً أغنية أبي أرحل هي الآن بحوزة سعد الفهد وسمع الكثير سعد في أحد

المحطات الأذاعية تبث هذه الأغنيه بصوته

رابعاً المشكلة الحقيقة في قضية أبي أرحل هي مع الشاعر نفسه صديقك على ماتقول

وصاحب شركة فنون الجزيرة أظنك تعرفه بدون ماقول اسمه وهذا ماجعل الشاعر

يتنازل لسعد الفهد الذي سعد الح على الشاعر وراشد تكراراً ومراراً على التنازل

خامساً وأخيراً

شاكر لك روعة حضورك

دمت بخير

[محامي راشـد]

(( عاشـق العندليب ))

أو

(( بوراشـد ))

أو

(( شعلة منتديات راشـد ))

أو

(( ملك الأخبار الحصريه )) :)


دايماً أخباره صحيحه 100 % (( الله يعطيه 1000 عافيه ))


وياما (( صحف )) و (( مجلات )) أقتبست أخبار (( عاشـق العندليب ))

وعمرنا كــ (( عشــاق للسندباد راشـد ))

ماراح ننسى تعب ومجهودات وتضحيات (( بوراشـد عاشـق العندليب ))


وتثبيته للموضوع يدل على ثقته الكبيره بنفسه

لو منتدى غير هذا كان الموضوع (( آوت )) :)




سلامي ,,,

[Haytham]

أهلا أختي (( ميس )) ...

بصراحة ثقتنا في أخبار (( عاشق العندليب )) كبيرة جدا ...

وعاشق يا ما جاب أخبار حصرية ويا ما جاب أخبار تفصيلية عن أعمال راشد الجديدة
قبل الكل .... ودائما أخبار بو راشد تكون صحيحة 100% ....

[المفارق]

مساء الخير شباب

انا اشوف حرام نتكلم بموضوع مثل هذا وحرام نقارن موضوع كتبته او كتبه ميس

بمايتعلق بمشوار حبيبنا ابو راشد " الله يحفظه لنا"

ابو راشد او عاشق العندليب كل المنتديات تتمنى شخصيه مثله يتواجد بمنتدياتهم

انسان يتعب و يسهر و يسافر و يتابع كل تحركات سندبادنا سواء كانت قريبه او بعيده

صغيره اوكبيره وكل هذا بدون مقابل يعني على حسابه الشخصي

ومن اجل ارضاء جمهور راشد


مااقدر اقول غير الله يخليك لنا ذخر يابوراشد وعسى عمرك طويل والله لايحرمنا منك

ولايهمك كلام مثل هذا ودمت بخير




.¸.*AL MefarQ*.¸.

[غيـ الناس ـر]

وانـــــــــــــا كذالك عندي معلومات مأكده من صديق لالشاعر علي عسيري وانا كلمت علي عسيري ولكن لم يحدد ولم يصرح بانه اعطى سعد الفهد الاكلمات...
وعندي مصدر مأكد موثووووق منه
ان الشاعر يقــــــــول
مستحيــــــــــــــل اعطي هالكلمات لغير راشد
ولكن مع هذا وذلك
عاشق العندليب لا ذب له ان نقل لنا شي كان سيحدث وحدث آخر
وفعلا
يا
ميس
الاسم بنت
وانت متـــاكد
و لك علاقه بالشاعر
واختكم/ ميس
فسر لنا هذا اذا كنت ستعاود المجيء للمنتدى.........

[الحل الصعـب]

سلامون عليهم ..

يبقى كلام الاخت ميس اجتهاد .. وتشكر عليه ..

لكن المشكله في الطرح والاسلوب ..

وخل عندك ثقه ان اخوي عاشق العندليب ما يعطينا اي خبر الا لما يكون متأكد منه ..

وشخصيه معروفه على مستوى جمهور راشد .. والكل يعرفه ويعرف اخباره ..

وما يحتاج اتكلم كثير فيها هذا الرجل .. لان شهادتي فيه مجروحه بصراحه والاخوان ماقصروا .. ويكفي بروفه بيروت وتجرحي وقصه الليل ..


مع حبي وتقديري
الحل الصعب

[المسافر]

هلابك أخوي ميس ^_^
أنا اول مره أشوف بنت لها بشاعر علاقة وثيقه :)

عمووما..
بالنسبة لموضوع أخبار عاشق
فهي فوق مستوى نـقدك.. وثقتنا عمياء بأبو راشد
وأما موضوع الأغاني..
فالظاهر كتبنا بعضها حصري وبعضها متوفر
والمسأله كلها حفظ للحقوق
وإحنا نعرف وش قاعدين نسوي :smile2:
ما ننتظر من أحد لا شكر .. ولا تصحيح

وأحمد الله يامن تدعي المصداقية
إنك في منتديات السندباد وفي قسم عاشق
لأنه حصلت مكانة وأحترام فوق حجمك
ولا تفكر كل هذا عشانك.. لا
ولكن عشان نوضح للجميع للأسف
مستوى عقليات (بعض) جماهير راشد الهدامة


إحترامي للجميع

[مـجـآزف]

>> مساء الخير << حنا ابدن مانشكـــــــ في كلام اخوي عاشق العندليب لأن وبكـــل صراحة أكثـــــــــــــر الكلام اذا موكله القاه موجود بالصحف وكله مصداقيه وسر اخوي عاشق العندليب وحنا وراكـــــــــــــــ ومشكور/ه ميـــــــــــس ولا تعصبي ترى عاشق صادق بأخباره وشوفي المجلات واحكمي عليه *_^

[برود-أعصاب]

عااااشق العندليييييب نحن معك دائما ونصدق اخبااااااااارك حتى لو بالاخير طلع الخبر غير صحيح اكييد انت مالك دخل بالموضوع .. واكيد راشد غير رايه ..

[عاشق العندليب]

اشكركم اخواني على الثقه

اللى تعطيني دافع في الاجتهاد والبحث

عن كل جديد لراشد الماجد


واتمنى الاخ ميس

يرد على الموضوع

حتى يكون النقاش عادل ومتزن...


يسلمو للجميع

[mshari]

الحين بدال ما نشكر عاشق العندليب على جهده
وحرصه يجي احدد يشكك في اخباره
بالنسبه لي انا ما اصدق الا اذا قريت في نهاية الخبر
عاشق العندليب

[Rsh0oo0di]

أخوي عاشق كفى ووفى في رده
وما بيجي منهو مثلك
ويشككنا في مصداقية ابو راشد

بس حبيت اعقب على الجزئيه المختصه بالحصري

انا ما ادري انت تدخل النت او توك اليوم تدخل
كل المواقع عندما تحصل على نسخه
من اغنيه جديده توثقها بأسرع وقت بالحصري
رغم انها موجوده في مواقع ثانيه
والامثله على ذلك كثير
ومن ابرزها المكان اللي جيت منه *cool2*

بصراحه انا اشكر اخوي طلال انه ثبت موضوعك
عشان يشوفون العالم العقليات الرجعيه
للأسف لبعض جماهير راشد

[طفشان]

يمسيكم بالخير

اول شي انا لا ادخل الموقع كثيرا وذلك لسبب انشغالي بدراستي ... وانا من عشاق الفنان راشد الماجد لحد الجنون .. وتهمني اخباره كثير فأحمد الله لقيت هالموقع ولقيت عاشق العندليب بالذات لسرده لي وللكل اخبار عشقي المجنون راشد الماجد وياعاشق العندليب انا مؤمن بأخبارك كامل الايمان وماعليها اي غبار واصل المسيره يالذيب


تحياتي

اخوك : نواف

[غيـ الناس ـر]

أتــــــــحدى
ميس
مــــــــــــا راح ترد اصلا هذا اذا رجع او رجعت
لان ما له وجه الا اذا كان عنده كلام اعظم

[*عاشق.السندباد*]

هلا اختي ميس
بالنسبه لموضوع اخبار
راشد
ياليت تعرفين اختي ان اخبار عاشق العندليب
100 \ 100
والدليل ان اغلب الجرائد تاخذ منه ....
والادله كثيره
اما بالنسبه لاغنية ابي رحل
يعني معقوله اغنيه لها 13 سنه والى الحين ما انزلت ...!!!!

اي نعم ونا معك

[ابو البراء]

بوراشد ما يقصر ونثق في مصادره واخباره

ولا نحتاج شهاده من احد

وسير يابو راشد وما عليك من احد

[قماري]

(( عاشـق العندليب ))
أو
(( بوراشـد ))
أو
(( شعلة منتديات راشـد ))
أو
(( ملك الأخبار الحصريه )) :)
دايماً أخباره صحيحه 100 % (( الله يعطيه 1000 عافيه ))
وياما (( صحف )) و (( مجلات )) أقتبست أخبار (( عاشـق العندليب ))
وعمرنا كــ (( عشــاق للسندباد راشـد ))
ماراح ننسى تعب ومجهودات وتضحيات (( بوراشـد عاشـق العندليب ))
وتثبيته للموضوع يدل على ثقته الكبيره بنفسه
لو منتدى غير هذا كان الموضوع (( آوت )) :)
سلامي ,,,

أشواقي

قماري

[₪ شموخ السندباد ₪]

ميس .... ( سواء بنت او ولد ) ......

بصراحة اشوفك فعلا مسجلة بالنتدى بدافع الهجوم فقط .....

يعني اذا كان لك رأي واو نقد او تعقيب على موضوع معين شاركي اول شي بالمواضيع واثبتي نفسك وبعدين ناقشي ....( او ناقش ) .....

ومو معقول تكوني ( او تكون ) من جماهير راشد الحقيقة اللي تسعى دايما لمعرفة الاخبار من مصدر الاخبار بو راشد .....
بو راشد احس انه خلى المنتدى يمتلك الرسمية .... وفعلا المنتدى الآن هو المتسيد والمتصدر والمتفرد بأخبار راشد ..... صح انو كان في غيره مواقع بس اتقفلت ...


يعني كل اخبار ومعلومات راشد هنا وبس .....

وبعدين اذا حضرتك لك علاقة قوية بالشاعر ( وانا مستغربة فعلا من وجود علاقة قوية فيه وانتي بنت ) ...

المهم اذا انتي لك علاقة قوية بالشاعر عاشق كمان له علاقية قوية براشد عشان كذا احنا متأكدين من كلامه .... لأنه مو جايبه من الشارع ...... جايبه من مصادر موثوقه ...


المهم .... انا حابه اكتب كلام كثير بس مو فاضية لك .... عندي دراسة ....


المهم اتمنى انك تردي ...خلينا نضحك شوي على افكارك الغريبة

[،، الغيـــث ،،]

أخــوي عاشق العندليب

يعطــيك ألف عافيه على كل خبريــة تجيبــها لنا بهالمنتدى

وأظن الأخوان الي ردوا كفوا ووفوا

أما بالنســبه لميس
فصراحــة انا إستمتعت بالموضوع
لكن إستمتاعي كان في رد عاشق العندليب عليك


يعطيــك ألف عافيه مره ثانيــه
يا ((بو راشد))

[saraaa]

عاشق العندليب ...
انت حقاً رائع ولا تحتاج لشهادة أي شخص بحقك فيكفي أنك تحب السندباد
ويكفي ثقة المشرفين بك ويكفيك حبنا الكبير لك وحب جميع عشاق الحبيب راشد لك
وللأمام دائماً
ولا تر مى بالأحجار إلا الأشجار المثمرة
وعشت يالغالي
saraaa*hye*

[مشواار]

مراحب

افا يا بو راشد ذا موضوع يتثبت !!
لا تعطيهم اهتمام ولا تلتفت
حنا معك يا بو راشد وكلنا ثقه فيك
السنوات اللي قضيناها وياك
كفيلة بأنها تخلينا نثق فيك


الله يعطيك العافيه يا بو راشد على كل ما تسويه لجل راحتنا




مشواار

[يا ناسينا]

السلام عليكم ورحمة اللة وبركاتة

يا ااخواني كلن نثق بمصداقية اخونا عاشق العندليب ولاكن يا جماعة خلونا بصراحة

نتكلم ان شخصيا قراة كل الردود وكلكم ها جمتم الاخت او الاخو بطريقة جافة مع ان

ا لموضوع المطروح ولغة الخطاب مااحس ان فية داعي للعصبية البايخة هاذي يا جماعة

معليش لحد يزعل من كلامي وبا النسبة لكلمة حصريا فهو الشيئ اللذي تمتلكة ولا يمتلكة

غيرك وهاذا الكلام صحيح مع احترامي لجميع الاراء واغنية تجرحي والهدايا با العود

والليل عندي منزمان من قبل ما تنزلونة في المنتدى ولاكن واللة واللة اني ما اعرف

كيف انزلة على الانترنت ول اللي مثلكم واللة ما ابخل عليكم بشي وهذا رايي واتمنى

منكم عدم العصبية اللي مالة سبب ول مبررو ودمتم بخير وبسلامة

[مجنونة المـاجد]

اول شئ ^_^.

السلام عليكم ورحمة الله وبركاته

والله يا بو راشد انت مسكت واذا عنها هي او عنه هو لا تهتم ترى هم مسوين هالزحمة

عن قصد يعني مقصودة هالزحمة البايخة وما علينا

(

[منية]

للأسف لست معاكم
وليست كل الأخبار اللي يجيبها عاشق تكون صحيحه
أنا بعض الأحيان أسمع خبر هنا و لما أسأل راشد أو أبوخليفه يكون الجواب غير تماما اللي قاله بوراشد
معلش يا أختي خليك منهم
هما كدة ديما عندهم حق...

[عاشق العندليب]

مشكووره منيه

واحترم وجهة نظرك

وبعدين اذا اخباري مخالفه عن اخبار بوخليفه أو راشد..

فهذه ليست غلطتي فهي غلطتهم !!!؟؟؟؟



وبعدين في اخبار مستحيل ان يقول بوخليفه أو راشد انها صحيحه
لمصلحة العمل..


ولكن بالنهايه راح تعرفين انها صحيحه

والايام هي الكفيله باثبات كلامي..


يسلمو على المرور..

[منية]

وبعدين في اخبار مستحيل ان يقول بوخليفه أو راشد انها صحيحه
لمصلحة العمل..

آها...يبقى حقك عليا يا بوراشد

[عاشق العندليب]

ولو يا منيه

انا احترم وجهة اي نظر

وأكبر دليل تثبيت الموضوع..

ومافي انسان كامل بكل الشئ

فالكمال لله عز وجل...

..............

في اخبار ياما تكلمت عنها سواء الحين أو من قبل..

وكان راشد ينفيها

وأنا متأكد انها صحيحه..

ولكن ؟؟

راشد يهمه مصلحة العمل والسريّه والكتمان

حتى يفاجأ الجمهوور ويظهر الشئ الجديد دائما..


وهذه مهنة الاخبار

لازم الشخص يكون قلبه كبير

عشان يوصل كلمته وتعبه بالشكل اللى الصادق واللى يبيه


ياهلا ومرحبا فيج


تحياتي

[منية]

أشكرك أخي عاشق

و أعذرني لأني هالحين عرفت

بارك الله فيك

[دانــــ Najd ــــة]

أنا ماراح أعلق على موضعك اختي ميس
لاكن راح اقول كلمتين

الله لايرحمنا منك يابوراشد
ولا
من أخبارك اللى تسعدنا دائماً

دمت رمزاً للأبداع
ياملك الاخبار الــحــصـريـه

[M!ss_NoUnni]

من يكتب موضوع او يطرح وجهه نظرهــ


لازم يكون موجود بكل وقت من شان يرد على اي ردود موجودهــ


اقلها يثبـــــــــت ان رايه صحيح من وجهه نظرهــ


واللي اشوفه ان ميس كتبت او كتب الموضوع وهج

ماشفنا الا غبارهــ

لكن يا ابو راشــــــــد

ماعليك

كل مايكثروو حسااااااااااااادك دليل على نجاحك وتفوقك وماترمى بالاحجار الا الشجره المثمره

بس عندي سؤال للاخت ميس

ياليت توضحين انتي بنت او ولد

متاكد ... ولك علاقه بالشاعر

وختمتي كلامك باختكم *wat*

كمل بو راشد عسى عمرك طويل

وماعليك من اي احد

احنا كلنا معاك ومتابعينك

فالابداع والاخبار الحصريه منبعها انت

[تلميد راشد]

إلى صاحب الموضوع :
أولا كنا في موضوع و أصبحنا في آخر
المهم هنا أن تعرف أن ما يقدمه بوراشد يسعد كل جمهور راشد ...
و أحيانا يكون حصري و بدون منازع...
أما بالنسبة أنك ولد أو بنت ما يهمني إللي يهمني...
هو أن الواحد فينا إذا كانت عنده وجهت نظر لازم يخلي عنده شجاعه للمواجهة بذل ميدخل بإسم ثاني ويبدأ بأفراغ ما بداخله من حقد وغيره على هذا الشخص ويتصيد له الاخطأ ويبدأ بالآهانه والتجريح.
هكذا يكون لديه داء خطير ويحتقر نفسه كلما تذكر فعله
ويحس بانه ناقص و هل يوجد افضع من ذلك
كل الود

[رولكس]

ميس لا يحق لك القاء التهم عاشق العندليب رمز وكل المنتديات يتمنون يكون معاهم الف شكر

[^ الفارس ^]

تـم التحرير من قبل الإدارهـ

إن أنت أكرمت الكريم ملكته
وإن انت أكرمت اللئيم تمردا ..!؟

[ҳ»chάndlяє«ҳ]

الموضوع اخذ اكبر من حقه بكثيـــــــــــــــــــر
طولتها وهي قصيرة عاشق العندليب واثقين فيه
وانا من ناحيتي اي شي يقوله اصدقه بس عتبي عليه انه شوي بخيل بالاخبار
عموما انا مقدر لك تعبك عزيزي

[رعبوب السعودية]

اخوي الفارس ..

اللي اشوفه ان عضوية " ميس " شغاله مو مثل ماتقول !!


وبعدين انت عضويتك قديمه ومشاركاتك 3 فقط !!

ما ادري هذي مصادفه غريبه

او ان ردودك ماتجي الا لخلق مشاكل !