][ لاتجامــــــل نفسـك كثير ترى مليـان عيــوب !!][

[SaRoOnA]

السلام عليكم ورحمة الله وبركاته

http://www.q8y1.com/uploaded/saro_hi.gif

اهــلاً اعضــاء راشد

وين الناس ؟! وين المشاركات !! المنتدى مافيه الا اعضاء ينعدون عالأصابع

عمومــــــاً اللي يحب منتدى راشد .. منتدى راشد يحبه

واللي مايحب منتدى راشد .. منتدى راشد مايحبه

**

عندي موضوع يعتمد على الانتقادات اللي وجهت لك في حياتك ،،العيوب اللي انت تلاحظها
في شخصيتك ،،وسعيك في تطوير تصرفاتك وسلوكياتك إلى الأفضل ..
وطبعا مافي انسان كامل لاحد ايي ويقول : انا بصراحه ماعمر احد انتقدني

انا نزلت موضوعي والهدف منه انك تنظر لنفسك من الجانب الآخــــر!!
جانب السوداويه في شخصيتك وتوضيح الاشياء والافعال والتصرفات اللي تتمنى تتخلص منها
واللي اتخلصت منها

وعلى فكره التفريغ وتوضيح السلبيات في الشخصيه له تأثير جداً قوي على تكوينك الشخصي
وتصرفاتك بحيث تضع عيوبك امامك في كل خطوه تخطوها في حياتك حتى في الكلام والانسجام
مع الناس

--------------------------

أبدأ بنفسي ..

" بالي طووويل واعصابي هادية "
يعني لو انطر الف ساعة .. عادي ماعندي مشاكل
ولو احد بيموت واهو يصارخ عليي ما أهتم له الا بيني وبين نفسي
يمكن يكون شي زين لي بس يضايق غيري
لكن اذا انفجرت انفجرت ^_^

" كتومة "
خصوصاً اذا كنت متضايقة ..!!
وخصوصاً مع الناس اللي أعزهم
لأني ما أحب اضايق أحد باللي فيني

" طيبة وايد "
ولا أحب أرد أحد لو طلبني أو أزعج و زعل أحد

http://www.q8y1.com/uploaded/saro_bye.gif

أطيب الأمنيات
سارونا

[A SH J A N]

)(سريعة الانفعــال)(

بشكل ماتتخيلين..

حاولت اغير من طبعي وانجح في فتره لكن الفتره اللي بعدها
ارجع زي ماكنت *_*

=======

)(عيبي الثاني..الثقه الزايده)(

اثق بدرجه كبيره لكل من يحادثني..
لدرجة احيانا اتكلم عن نفسي بكل حريه وانسى ان اللي اكلمها توني اعرفها
وهالعيب سبب لي مشاكل كثيره كثيره كثيره.. الله المستعان بس

===============

)(متسرعه)(

احكم على الناس بسرعه كبيره
حتى في مواقف تتطلب اني افكر فيها ما افكر على طول اتسرع بس عشان مايطير مني اي شي *_*

======

وان كان لي عيوب ثانيه خليني ساكته احسن لي..

تسلمين سارونا على هالموضوع يالغاليه..

[واقعي]

(( الثقه الزائده ))

هذا الصفه اللي احاول اغيرها ولاكن ماقدرت


((اخذي للامور يكون بقلبي ))

يعني ما افكر الا بقلبي كثير وعقلي استخدمه قليل مره ..


(( متسرع في قراراتي ))

يعني اصدر قرار على طول بدون تفكير سواء زين او شين



الف الشكر لك اختي سارونا على الموضوع الرائع

تحياتي

[المسافر]

وعليكم السلام ورحمة الله

مـبدعـتنا.. سارونا
أول شي أحـب أشكرك على هالمقدمة

اهــلاً اعضــاء راشد

وين الناس ؟! وين المشاركات !! المنتدى مافيه الا اعضاء ينعدون عالأصابع


وبعـد جاي أسـطر إعجـابي بطـرحك الممـيز
وهذا ما تعودناه منك أخـتي
وصـدقـتي كلنا مليئين بالعـيوب ومافيه أحد كامل
لأن الكمال لله سبحانه وتعالى
ولكن أنا لا أسـطـيع أن أحصـي عـيوبي
بل أتـمنى الآخـرين أن يخـبرونني فـيها بصـدق
وألف شـكر على الموضوع الممـيز


إحـترامي لك

[رعبوب الماجد]

لا احد يعرف عيوبه
ويكفي ان تعد عيوبنا ..
وبالنسبة لي لا احب ان اذكر عيوبي
لا نني لااستطيع ان اميزها
ومثل ماذكر المسافر اترك المجال لغيري
شاكر لك سارونه على طرحك الراائع لمثل هالمواضيع

[دلوعه راشد]

(متســــرعه)
فأنــا اريــد كــــل شيء يجيني اذا بغيتـــه وبأسرع وقـــــت ..
(طيبه القلب)
تستغربون ان هذه الصفه عـــيب لــكن في هذا الزمــن صارت عيــــــــــــــــب..
(الناس مايفهومني.. ليــــش!)
كثير فيه ناس مايفهموني مادري مني لاني غامضه او منهم لان الناس عمومآ يحكمون على الكلمه التي تطلع منك من دون قصـــــد.. وهاذي اكثر العيوب التي اواجهها وبكل الــــــــــــــــــــــــــــم

ومشكورة اختي على هذا الموضوع الرائع....

[SaRoOnA]

السلام عليكم ورحمة الله وبركاته

http://www.q8y1.com/uploaded/saro_hi.gif

العفـــــــــــووو ..

اشكركم احبتي جميعا للتواصل الأكثر من رائع


http://www.q8y1.com/uploaded/saro_bye.gif

أطيب الأمنيات
سارونا

[لحظة غرام]

^
^
طيب صبر خليني اقول وش عيوبي *_*


" مغامر "

أخطي خطوات جريئه وخطره وما يهمني شيصير بعدين
صحيح أكون دارسها بس أحيناً تخيب معاي لاكن ما أيأس وأعيد نفس المحاوله
على أمل تصيب معاي


" رأيي شخصي "

يعني الي أحطه في بالي لايمكن يتغير و لا أسمع الراي الي يخالفني


" ثقه عمياء "

أحس ساعات في نفسي أني أقدر أوصل للمستحيل بالنسبه لي

وأني أوصل لشي ما وصلوه الناس الي من حولي

ودائماً أردد ما على الله شي بعيد *_*


" فضيحة "

دايماً الي بقلبي على لساني ودايم أتكلم بحسن نيه ودايماً تنعكس علي بسلبيه


" مزاجي "

متقلبي وكل يوم لي راي ووجهة نظر في أمور تخصني

يعني اليوم أبي هذا بكرى لا أبي ذاك

ماني عارف وش أسوي بعمري *_*


على العموووم وما خفي أعظم ^_^

خلو الطبق مستوور ما كامل الا وجهه سبحانه ^_^



موضوووع روووعة ساروون يعطيك ألف عافيه خيتوو

[SaRoOnA]

السلام عليكم ورحمة الله وبركاته

http://www.q8y1.com/uploaded/saro_hi.gif

^
^
^

ما انطر الا لما تعطيني فرة بالقاري ^_^

العفـــــــووو لويحظ

والاروع تواجدك

بس مو بكل وقت تفيد المغامرة و الـ " فضيحة "

يعطيك العافية

http://www.q8y1.com/uploaded/saro_bye.gif

أطيب الأمنيات
سارونا

[M!ss_NoUnni]

هلا صارونا

موضوع رائع

بالنسبه لي

طيبـــــــــة القلب الزايــــــــــــــــده

اللي للاسف في هذا الزمن اشوفهاااااا عيييييب واحاول اتخلص منها

الكتــــــمان

للاسف مهما اواجه من مضايقات اكتمها بداخلي ولا اصرح فيها

وكثير من العيوب .. منها حسن الظن بالاخرين والثقه الزائده بالغيرررررر ...

وايضااا لو يجي احد يستغلني او يوجهلي اساءه اقابله بابتسامه وطيب خاطر

مع اني اتمنى اني اكون من الناس اللي يردون الصاع صاعين !!

[SaRoOnA]

السلام عليكم ورحمة الله وبركاته

http://ba7neya.jeeran.com/s_35.gif

يعطيج العافية العنود ..

والطيبة في هالوقت صارت عيب للأسف

بحكم طبيعة الآخرين ^_^

http://ba7neya.jeeran.com/s_34.gif

أطيب الأمنيات
سارونـــــــا

[سندباد الشرق]

" بارد بشكل قاتل "
يعني لو انطر الف ساعة .. عادي ماعندي مشاكل
ولو احد بيموت واهو يصارخ عليي ما أهتم له الا بيني وبين نفسي
يمكن يكون شي زين لي بس يضايق غيري
لكن اذا انفجرت انفجرت ^_^

" مثل البحر "
يعني الناس كل تحكي لي مشاكلها وانا كتمها
وبنفس الوقت مااحكي مشاكلي لأحد

" شرس جدا "
ان غضبت غضبي شديد

غير انه في بعض الاحيان متسرع وقليل الصبر

[SaRoOnA]

السلام عليكم ورحمة الله وبركاته

http://ba7neya.jeeran.com/s_35.gif

ألف شكر سندباد الشرق لتواجدك

http://ba7neya.jeeran.com/s_34.gif

أطيب الأمنيات
سارونـــــــا

[سندباد الشرق]

العفو سارونه هذا اقل واجب اقدمه لك