المساعد الشخصي الرقمي

مشاهدة النسخة كاملة : جاني استاذي بعد 12 سنه يقول سامخني انا رسبتك متعمد

*عاشق.السندباد*
24-02-2006, 02:50 AM
السلاام عليكم
في يووم كنت جالس انا وصاااحبي نغسل سيارة جمب باب بيتنا
وكان في سياره افلون موديل 2003 اللون ابيض يروح ويجي
على الشااارع قمت ووقفت اطااالع فيه
_________________________________________________
وقلت : ( هذا استاذي ( م ب )الي درسني في الصف الاول والثاني والثالث ابتدائي
والله وتغير كثير صار شعره ابيض ونحيف )
________________________________________________
المهم وبعد يومين كنت في البيت لحالي وسمع صوت الجرس
وطلع وشوف الاستاذ ( م ب )
الاستاذ : السلام عليكم
عاشق السندباد : وعليكم السلام هلا استاذ
الاستاذ : شخبارك
عاشق السندباد : الحمد لله
الاستاذ : والله وزين ذااكرني !
عاشق السندباد : شدعوه استاذ
الاستاذ : المهم انا جاايك في موضوع
عاشق السندباد : امرك استاذ
الاستاذ: ما عندك شغل
عاشق السندباد : ابد
الاستاذ: تعال معي
عاشق السندباد : وين ؟
الاستاذ: خل نرووح اقرب مطعم عشان نتكلم على راااحتنا
عاشق السندباد : اووكي يالله مشينا
___________________________________

وبعد ماركبنا السياره تكلمنا عن الدنيا وكيف تمر بسرعه
ونها كلها من عمرنا الى ان وصلنا المطعم
مطعم النافورة الي بشارع الظهران
________________________________________
دخلنا المطعم ولزم الاستاذ بعشاء وتكلمنا للمرة الثانيا عن الدنيا
___________________________________________
الاستاذ : تذكر ياعمار لما جيت تاخذ النتيجه انت وابووك
عاشق السندباد : ايووه
الاستاذ : وش تذكر بالظبط
عاشق السندباد : اتذكر اني رسبت في مادة الاملاء وكانت ناقصتني درجتين
وكان ابوووي يقوولك ليه عااد عدل الكلمه وخله ينجح
الاستاذ: بس الاملاء
عاشق السندباد : والمطالعه
الاستاذ: وش تذكر بعد ؟
عاشق السندباد :اتذكر انه صاارت الفوووضى وابووي اتهمك بالتزويرفي ورقة الاجابه
الاستاذ: ايوة
عاشق السندباد : وش السالفه والله موووفاهم عليك !
الاستاذ : شوف عمار الانسان مو معصوم عن الغلط وقد الشخص يرتكب اخطاء تالي مع مرور الوقت يندم عليها ( الاستاذ قال كلام وايد لاكن ما اتذكر اي شي )
عاشق السندباد : والله ياستاذ مو فاهم شي
الاستاذ: شوف عمار لو جالك شخص بيعتذرلك عن خطاء هو ارتكبه في حقك هل تسامحه ؟
عاشق السندباد : اسامحه
الاستاذ : جتى لو خسرك شي اساسي في حياتك ؟
عاشق السندباد : اسامحه
الاستاذ: لو قلت لك ياعمار اني رسبتك متعمد >>> وش يكون موقك مني
عاشق السندباد : والله !!!!......................
الاستاذ : عمار بالفعل انا رسبتك متعمد في الصف الثاني والثالث
عاشق السندباد : وليه طيب ؟
الاستاذ : انا لعبت في ورقة الاجابة لماده الاملاء
عاشق السندباد : ليه كان انا الحين المفروض في سنه ثاني بالجامعه
الاستاذ : ممكن عشان ارد اعتباااري من ابوووك ومنك بعد
عاشق السندباد : كيف وشلون وش امسووي انا عشان ترد اعتبااارك
الاستاذ : عمااار ارجوك لاتفتح الماضي ارجوووك سااامحني
عاشق السندباد : ليش عاد
الاستاذ : ارجوك عمار لا يدري والدك بالموووضع اني جيتك وقلت لك بالحقيقه
عاشق السندباد : خلاص
الاستاذ : خلاص ساامحتني
عاشق السندباد : خلاااص
الاستاذ: وبعدين ياااعمار الي يشووفك يقول عمرك 18 مو 20 او 21 والحياة قدامك ونسى الي فااات وكمل مشوووراك الدرااسي
عاشق السندباد ك بس كان المفرووض انا الحين في سنه ثانيه بالجامعه
الاستاذ : خلاااص والله اني متحطم بداااخلي وبالفعله الي سووويتها وطالبك ابوك لا يدري
عاشق السندباد : خلاااص
الاستاذ: خلاص عمار ساامحني حللني ونسى الي رااح ةنا الحين جايك ابي شفاعتك لي
عاشق السندباد : خلااص يا استاذ
الاستاذ : خلاص يعني مساامحني
عاشق السندباد : اي
الاستاذ : شوف عمار انا بنتقل الى الدمام وبستقر فيها وهذا رقم جوالي اذا احتجت مني اي حااجه لا تتردد ونت عطني رقم جوالك
عاشق السندباد : اوكي خلااص
_____________________________
وبعدها خلصنا العشااء ووصلني الاستاذ البيت وهو تووكل على الله
وبعدها دخلت غرفتي وبلاااااا شعوور طلعت شريط المسافر وشغلت اغنية المسافر
وجلست ابكي على الطاووله من دووووووون شعووور
__________________________________________
******* انا اعتبر القصه ناااقصه كثير بحيث لم اثكر كل التفاصيل
وهناك اشاياااء لم اقم بذكرها >>>>> لاسباب خاصه
___________________________________________
ابو البراء
24-02-2006, 04:24 AM
اخوي عاشق السندباد

قصه محزنه بالفعل

ولكن سامحه لعل الله سبحانه وتعالى يعوضك بشى ما كنت تتوقعه

وهذا حال الدنيا

والعمر قدامك باذن الله والله يوفقك وين ما تكون

الف شكر لك على ايراد القصه
ماكسوو
24-02-2006, 04:39 AM
اخوي عاشق ,,
.. بصرااحه حــزنت مرررة على القصه ومن جد شي يقهر
لكن اخي خلاص انسي اللى راح وسامح الرجال ,, وصدقني اذا سامحته والله وانا
متاكد ان اللله مراح يضيع لك شي ,, وحتى لو انك خسر ت اشوي من عمرك في الدراسه
اللى راح سهل تعويضه .. ولكن اخي لاتفكر في اللى راح ,ووابدا من جديد , واتعبر
اللى الحصل ,, حلم وانتهي

واخي انا بعد صارت لي نفس قصتك وفي الفصل اللى الاول اللى عدي ,,,,
رسبت في مادة ظلم ,, والمفروض اتخرج لكن جلست فصل كامل عشان مادة وحدة وانا الان ادرسه .......


... لكن اخووي خلى قلبك قوي
وا نـــــــــــســـــــــــــــــى انـــــــــــــســــــــــى ,,, ولــو ماتنـــسي ماتــعيش
هيا الدنيا كذاا (( مشي حالك ))


...........................
وانشاللله اخوي ربي يووفقك ويعووضك احسن منها ,, ترها دنيا ماتسوي شي
مع كل الود والاحترام لك
اخــوكـ
ماجد
الحساس
24-02-2006, 10:55 AM
مدري ايش اقول لكن الله يعوضك بهالسنه الي راحت منك بغير وجه حق او عدل بالاجر

والجنه انشالله مشكور على هالقصه الحزينه والله يعينك ويصبرك
رياح الماضي
24-02-2006, 11:43 PM
وعلكم السلام ورحمة الله وبركاته
الله يعينك اخوي ترى مافي إنسان معصوم من الخطاْ
وهدا معلم للاسف المفروض يكون قدوة لكن الله يسامحة
ويسامح كل واحد مثلة صحى ضميرة مرة
او حتى ندم

بس ما اقول غير الله يسهل ويرحم
إعتزازي
awsi
25-02-2006, 01:19 AM
حرام والله حرام
فضاء الماجد
28-02-2006, 08:54 AM
ماني عارف ارد بشي

من التأثر
AFROSHYA
28-02-2006, 11:00 PM
الصراحه قهر ووالله زين منك سامحته

بصراحه هذا ما يستحق يصير استاذ
رولكس
02-03-2006, 11:13 AM
خساره والله خساره الله يعوضك احترامي وتقديري اخوك رولكس
اسراء
03-03-2006, 12:53 AM
خسارة والله خسارة ضيعت السنة اللى رسبت فيها
الله يسامحه
*عاشق.السندباد*
21-03-2006, 09:54 AM
الف شكر لك من رد وشد علىازري

ويعطيكم الف عافيه
ღLyoonღ
26-03-2006, 04:29 PM
مشكور الف شكر
عاشق العندليب
07-04-2006, 01:34 AM
سبحان الله

دايما مهما الانسان تعالى وتكبر وطغى

يجي اليوم اللى يصير مثل الطفل ..

ودائما الحق هو اللى يظل في الاخير..


بالفعل عمار قصه مأثره

وأكيد المدرس صار له امر مو هيّن

اللى خلاّه يتذكر هذا الشئ بعد سنين..


الله يعطيك الصحه والعافيه

ويتقبل توبة المدرس
أميرة الخيال
07-04-2006, 02:06 AM
الله يسامحه...

والقصة محزنة مررررررررة....
بس أهم شئ إنك عرفت الحق....
وإنك سامحته من قلبك...


الله يوفقك دااايم...


ويسلمو على القصة المؤلمة والراائعة...



احتراااااااااامي
امــ مقتول ــل
07-04-2006, 03:02 AM
الحمدلله على كل حال
لا تزعل ولا تتضايق من القدر
الله كاتب انه يصير لك اللي صار
وصدقني خير لك
"وعسى ان تكرهوا شي وهو خير لكم" معنى الآيه
المهم الانسان بطبعه مسامح
لازم تسامح
اتمنى لك كل التوفيق والنجاح
ان شاء الله توصل لي اعلى المراتب
وتضحك على هاليوم
وماتبجي عينك ابدا
أحلى قمر
07-04-2006, 03:53 AM
والله حرام سنتين مو سنه كثير
وسامحه والله يسامحه وانشاء الله الله يعوضك
والمهم انه اعترف بخطاه وتندم بس بعد كم سنه
يعطيك العافيه على نقل الموضوع المحزن
دلع الشرقية
07-04-2006, 04:08 AM
اي والله قهر

الله يجازيك خير على رده فعلك مع الاستاذ
بس المفروض خيو تفكر هل هو سواها مع غيرك
ومع كم سواها ؟؟.....حتى لو ندمان يمكن انت سنتين او سنه رسبك
غيرك يمكن اكثر من المفروض ما تسامحه الا بينك وبين نفسك
لازم يحس بغلطته جد قهر
الله يجازيك على نيتك خيو
@ al-shabah @
07-04-2006, 08:19 PM
أخوي الغالي وتوأم روحي في منتديات راشد / عمار ...


ألأحين اخوي انا فهمت ليش كنت متضايق وكنه هموم الدنيا فوق راسك ....

لاحول ولاقوة إلا بالله ...... معذور وانا أخوك معذور ياعمار ...

صدق إني حزنت على هالسالفه وأنا حاس بشعورك يالغالي .... هذا مستقبلك مو لعبه ... وانا متأكد أنه تأثير الصدمه للحين موجوده في قلبك وحازه ...... لكن " ألا بذكر الله تطمئن القوب " .... أذكر الله وكثر من قرائة القرآن ........


وأي شي تراني حاضر ومن عيوني ..... مستعد لأي شي تبيه ...

وأتمنى أشوفك على الماسنجر في أقرب وقت ...



أجمل تحيه

أخوك / محمد الدوسري
*عاشق.السندباد*
21-04-2006, 04:02 PM
الف شكر لك من وووقف في معاااناتي
الصمت المجروح
27-04-2006, 05:08 AM
يا خوي سامحه وربي بيعضوك
الدنيا اخذ وعطى
واخذت منك سنه وصدقني راح يجي اليوم اللي تعطيك
بس ماراح تعطيك سنه بدل اللي راحت

راح تاخذ شي احسن وراح تتذكر كلامي
وربي راح يعوضك
تحياتي
اخوكم مياه الصفا
بدووره
21-06-2006, 01:27 AM
القصة تقطع القلب الصراحه
بس شنسوي هذي الدنيا
والي الله كاتبه بيصير
و بالتوفيق اخوي
و الف شكر عالقصة و يعطيك العافية
:(
ღ ـالـَـقـلبٌ الـطـَفـولـيـٌ ღ
21-06-2006, 09:41 AM
بجد تكسـرٍ آلقلب...


مآقدر آكمـل
شكرآ
abdullah .
21-06-2006, 12:57 PM
والله قصه مؤثره
الله يوفقك في حياتك وتبلغ اعلى المراتب في الدنيا والاخره ان شاء الله