الغاء حفلات هلا فبرار

[أسيرة الماجد]

في تصريح للفنان عبد اللة الرويشد بخصوص حفلات مهرجان هلا فبرار

قال ان المهرجان سيقام ولكن الحفلات الفنية ستلغي هذا العام

هذا الخبر صدمني واتمني مايكون صحيح حفلات هلا فبرار كنا منتظرينها

عشان نسعد بمشاركة راشد فيها صار لنا سنتين ماشفنا راشد في اي حفل

او مهرجان كلي امل ان هل خبر مايكون صحيح

[# عـاشـق راشـد #]

أصلاً حرام البوم قوي مثل البوم ( الحل الصعب ) مايُتغنى به ولا في حفله
اتمنى عدم صحة الخبر
وإنشاء الله بوراشد يفيدنـا
الف شكر . .

[عاشق العندليب]

هلا أخوي

الخبر اللى عندي غير..

وان الحفلات سوف تقام
ولكن؟؟

بتأخير شوي بالوقت

واللى أعرفه ان الفنان الكبير (( عبدالله الرويشد ))

ليس له صله في الحفلات هذه السنه

وان الحفلات مفوض ومتعهد بها غيره..

ولكن؟؟

انا لا أأؤكد لكم اقامتها

ولكن

احتمال كبير جدا اقامة الحفلات في توقيت متأخر عن موعدها السنوي

لحد الآن مافي خبر اكيد
بألغائها أو اقامتها..

ننتظر ونشوف....

تحياتي

[الاماكن]

مشكور بو راشد على التوضيح
وانا اعتقد ان الحفلات راح تلغى .. واتمنى ان الخبر غير صحيح



تحياتـــي..
الامــــاكن ,,

[Q8sky]

مع اني اموت براشد واتمنى انه يغني بديرتي
بس الكويت السنه هاذي مو فاضيه حق الحفلات
وبعدين شلون يقيمون حفلات غنائيه .. والشيخ جابر توه ميت
....
واتمنى ان هاذي السنه ماتقام الحفلات ولا المهرجان بكبره
احترام لمشاعر الشعب الكويتي....
..... وانشالله يشرفنا راشد السنه الجايه والبوم الحل الصعب قدامه حفلات
ابها وجدة وكثير من الحفلات العربيه اللي يتمنون مشاركة العملاق راشد ..
حبايب للابد

[أسيرة الماجد]

شاكرة لكم مشاركتكم وشكرا عاشق العندليب علي التوضيح
اتمني فعل ان الحفلات تقام وشاء اللة بكون اول الحاضرين في حفلة راشد

[*عاشق.السندباد*]

اتمنا الخبر غير صحيح

[npn]

اتمنا الخبر ميكون صحيح
كقاية سنتين ماشفنا ولاحقلة لراشد
مشكور اخوى

[سندريلا الماجد]

لاااااااااااااا إن شالله الخبر مو صحــــــــحيــــــــــــــح من نزل الحل الصعب مااستمعتعنا بولا حفله لراشد

[كاتم العبرات]

معقوله راشد مايغني ولا اغنية من البوم الحل الصعب في حفله

[8شاعرةالكويت8]

والله والله اني اتمني راشد يجي الكويت واسمعله في المهرجان هلا فبراير
بس للاسف

اللي مات واحد غالي علينا وامير القلوب وابو الكويت الشيخ جابر الله يرحمه ويسكنه فسيح جناته مايهون علينا نحتفل وقبر الشيخ مانشف علي قولتهم


والخبر عندنا باكويت ان الحفلات ملغيه ويقتصر المهرجان اقتصاديا يعني
انخاض اسعار السوق وغيره مثل كل السنوات

ماعدا الحفلات لان ال صباح محزنين وماعتقد بقام حفلات والشيخ توه متوفي


تحياتي