بعد تصريحاتهم هل يسويها سالم الهندي & وراشد ؟؟!!!!

[راشد^حبيب^قلبي]

السلام عليكم ..

قبل فتره نزلت موضوع منقول من مجلة زهرة الخليج

وكتبت عن اللي يخص انتقال راشد لروتانا !!

وطبعا شفنا اجابااات راشد كيف كانت وذكرت

بوقتها انها تلميحات قويه لانتقاااااله ..

مع العلم ان راشد قبل كانت تصريحاته انه ماراح

يطلع عن فنون الجزيره وانه مرتااح وعمره مافتح

باب للنقاش او للتفاهم حول انتقاله لروتانا لانه كان

دائما ينفي ولكن الغريب اللي باللقاء اللي نزلته من فتره

انه كان متراخي و (لين) شوي وفتح مجال وقال يمكن

تلقوني بروتانا و و و ..الخ

وبعدها قريت لقاء مع سالم الهندي بنفس المجله

اقروا شنو قال عن انتقال راشد..؟؟؟

ربيع/ اليوم هناك خط مفتوح بينك وبين راشد الماجد

وذلك لغرض التعاقد معه ..؟؟

الهندي/ راشد صديق عزيز علي وصداقتي به تمتد لفتره

طويله وليس معناه ان راشد لم ينضم الى روتانا للان

اقوم بمحاربته وعلى العكس علاقتنا به ممتازه واكثر

من مره صرحت اتمنى ان يكون راشد ضمن كوكبة روتانا

وحاليا هناك تفاوض بيننا .

ربيع/ وماشروطه للانضمام الى روتانا ؟

الهندي/ راشد الماجد فنان مرن ولديه ثقه بنفسه ولا اتصور

ان لديه شروطا تعجيزيه للتعاقد بقدر ماهي شروط تهم

فنه.

ربيع/ على ماذا اتفقتما ؟؟

الهندي/ هناك نيه من الطررفين للتعاقد لكن راشد يحكمه عقد

مع فنون الجزيره وبمجرد انتهاء عقده تصبح الامور التعاقديه

اوضح.


انتهى الكلام اللي يخص راشد..

ولكن السؤال هل يسويها سالم الهندي ويقنع راشد بالانضمام

الى روتانا ؟؟

انا الصراحه اشوف ان راشد عنده نيه واحتمال فعلا ينتقل

لروتانا وتوقعوها ولا تستغربوون ..

والايام الجايه راح تكشفلنا الاجاابه !!

[awsi]

انا اقول ماله حاجه بروتانا

الفنون افضل له

ثاني شيء روتانا

تهتم بالفنانين العربيين اكثر من الخليجيين

انا رايي يجلس في بيته فنون الجزيره

[][][ alwafi ][][]

على هذه التصريحات احتمال راشد ينقل إلى روتانا

لأن عقده مع فنون الجزيره راح ينتهي بعد فتره

وأتوقع انا أن الهندي اعطى راشد مبلغ اكثر من اللي يتقاضاه من فنون الجزيره

وبعدين إذا انتقل راشد إلى روتانا اتوقع انه هو راح يتشرط عليهم

مو هم يتشرطون عليه ^_^


ويمكن يكون الكلام لج ياجاره اللي هي فنون الجزيره يعني افهموها وارفعوا

الأجر والا انتقلت إلى روتانا ^_*


وياخبر اليوم بفلوس بكره بلاش

دمت بخير

[تلميد راشد]

يعطيك العافية أخي على هذا اللقاء...

و في انتظار كل ما هو جديد حول هدا الموضوع

و ما دام الكلام كثر بخصوص إنتقال راشد لروتانا ...ادا راشد عزم عليها هالمرة.

كل الود

[₪ شموخ السندباد ₪]

مساء الورد ..........

بصراحة انا كنت عمري ما اصدق انه يبتعد عن فنون الجزيرة....
لكن بعد ما قرأت لقائه في زهرة الخليج يوم قال يمكن تلاقوني مع روتانا ..... قلت والله دام انه قال هالكلام معناها اكيد في شي بباله ولا راشد عمره ما قال انه بينتقل عن فنون الجزيرة وكان دايم يمدح فيهم ويقول انه لا يمكن يتركهم .......
واليوم يوم قرأت كلام سالم الهندي قلت مليون بالميه في انتقال .......

وراشد بصراحة فنان ذكي ماشالله عليه وهو ادرى بمصلحته .....
برغم اني اتمناه مايترك فنون الجزيرة .......... لأن روتانا احسها زحمة فنانين ومابقى احد الا هو وياهم اما فنون الجزيرة فراشد يعتبر طفلهم المدلل ......




عالعموم ما نتمنى لراشد الا كل خير وين ماكان سواء بروتانا ولا فنون الجزيرة .....

وعلى قول الوافي ..... ياخبر اليوم بفلوس بكرة بيصير بلاش.......









ومشكور اخوي راشدحبيب قلبي على الطرح

[A SH J A N]

انا اعتقد كل هالكلام تمويه وذكاء من راشد

واوافق على كلام اخوي الوافي

شكرا لك اخوي

:heartpump تحياتي :heartpump

ش ج و ن ه

[المفارق]

مااعتقد راشد يكرر فكره انتقاله

لروتانا لان راشد كان معهم من فتره

6 سنوات وشاف الويل منهم

بالنسبه للاغاني المصوره كانت كلها حصريه

على قنوات ال ART وماصدق انه انتها العقد

عشان يفتك منهم


والكلام اللي قاله في مجله زهره الخليج

تمويه في تمويه مثل ماقال اخوي الوافي

ولكم تحياتي ,,,,,,,,,,,,,,,,


.¸.*AL MefarQ*.¸.

[الاماكن]

والله انا ما ابي راشد يروح لروتانا
ولكن هذا القرار يمتلكه راشد فقط
وراشد فنان كبير ويعرف اين يذهب لروتانا او فنون الجزيرة

وشاكر لك اخوي الغالي على طرح مثل هذا الموضوع

[أسيرة الماجد]

شكرا علي النقل اللقاء مع اني مااوفق راشد في انتقالة لروتانا لعدة اسباب

اولها ان راشد الماجد ملك في فنون الجزير والنجم الاول والوحد فيها واسمه عطي شركة

فنون الجزيرة شهرة فا المفروض بماان ملك في فنون الجزيرة المفروض مايتنازل عن

عرشة ويذهب لشركة اكون فيها المطرب الثاني مش الاول بعد مكان في فنون الجزيرة

الاول 00

ثانية شر كةروتانا تهتم بمطربين العرب اكثر من الخلجين وسياسته تختلف عن سياستة

راشد يعني من الناحية الاعلامية مثل اللقاءة الي راشد يفرضها سوا اذا كان مستعد لتغير

سياسته بعد انضمامه لشركة روتانا000

وثالث عقد الحتكار الي كان لي مدة 6 سنوات كان حيث كانت تعرض اغنية فقط علي

قنوات art وكانت مشفرة ومول كل يستطيع متابعة مما كان سبب في تاخير شهرة راشد

في اغاني كثيرة كان ممكن لوكانت القناة غير مشفرة انها تشهر راشد الماجد وكان

يكون راشد مشهور في الوطن من قبل سنوات 6الي كانت اغنية تعرض فيها حصري

علي art صحيح ان روتانا غير مشفرة ولها الكثير من المشاهدين في الوطن العربي لكن


تبقي الاغاني حصرية فيها عكس الان اي قناة نفتحها نقدر نشوف فيهاكليب لراشد

الايام القادم ممكن تكشف الخبر الصحيح
وشكرا

[راعي الحافلة]

شكرا اخوي راشد حبيب قلبي عالموضوع

راشد رايح رايح روتانا و تقولوا قالها راعي الحافلة كلها سنتين و ينتهي العقد و يا خبر اليوم بفلوس بكره و بلاش نلقاه

دمتم بود

راعي الحافلة

[المسافر]

دائماً ممـيز بطرحـك يافهـد
وفعلاً.. من فترة وإحنا نشوف تلميحات من الطرفين
من راشد نفسه ومن شركة روتانا
ومافيه شي مستحيل هالأيام.. والله يسـتر..!؟
وأنا من رأيي الخاص..
إن راشد أما يصرف النظر عن كل الشركتين
ويبدأ يصرف على ألبومه وينتجه بنفسه
من خلال شركته الخاصة "المسافر"
أو يكمل مع فنون الجزيرة

وشاكر يالغالي هالطرح الجميل
والله يعطيك ألف عافـية


إحترامي لك

[عاشق الهدايا]

مانبي روتانا

كان راشد يندفن فيها

معروفة روتانا تدفن الفنان

خليه على الفنون

يكفي انها ابن المدلل فيها

[# عـاشـق راشـد #]

كل شيء اتوقعه من راشد

لكن اتمنى ان يبقى في فنون الجزيرهـ

مع ان فنون الجزيرهـ شركه ماهي بـ مستوى روتانا من حيث الدعايه ولا الإعلان

ولا تملك قناه خاصه بها

ولكت تبيقى أفضل من روتانا . .

[*عاشق.السندباد*]

الله لاااايقووله >>>>>>>>>> قوول امين

[raed99]

شكرا على الموضوع وبس

[npn]

يعطيك العافية اخوى

[*أمير الإحساس]

على هذه التصريحات احتمال راشد ينقل إلى روتانا

لأن عقده مع فنون الجزيره راح ينتهي بعد فتره

وأتوقع انا أن الهندي اعطى راشد مبلغ اكثر من اللي يتقاضاه من فنون الجزيره

وبعدين إذا انتقل راشد إلى روتانا اتوقع انه هو راح يتشرط عليهم

مو هم يتشرطون عليه ^_^


ويمكن يكون الكلام لج ياجاره اللي هي فنون الجزيره يعني افهموها وارفعوا

الأجر والا انتقلت إلى روتانا ^_*


وياخبر اليوم بفلوس بكره بلاش

دمت بخير

[8شاعرةالكويت8]

اللي اقوله ان راشد يعرف مصلحته وبس فنون اهي الاساس والاولي في اهتمامها لراشد وفنه مراح روتانا تكون مثلها
ومن مصلحة راشد يبقي في فنون الجزيره


تحياتي