المساعد الشخصي الرقمي

مشاهدة النسخة كاملة : الان بالاسواق شريط راشد الماجد 2006 من الاغاني المسربه طبعا

الحل الصعب2005
31-12-2005, 01:37 AM
السلام عليكم ورحمة الله وبركاته

هذا اول موضوع اشارك فيه معاكم ولكن لي مشاركات اخرى ولكن هذا اول موضوع


المهم اليوم وانا رايح السوق دخلت محل تسجيلات وبصراحه كنت راح ابي اسأل عن البوم الفنانه احلام

ولما سألت العامل شنو عندك اشرطه جديده قالي راشد الماااااااجد

قلتله رااشد؟؟؟؟؟ @@

قلتله عطني الشريط بدون تردد طبعا

المهم لما جاب الشريط وقريت الاغاني اكتشفت ان الشريط عباره عن اغاني مسربه كلها سبق ان سمعناها هنا بهذا المنتدى الجميل

ادري طولتها بس حبيت انقلكم الخبر

وبقولكم عن الاغاني اللي موجوده بالالبوم

الشريط اسمه رساله من احساسي ( اغنية الى عبدالله الغالي )

وفيه شف دمعتي - شياطينك - شفت موتي - فهد وريمه مع اصاله - منك العذر - بالسلامه تعود - خذها امانه - الحب الاكيد ويمكن نسيت اغنيه او اغنيتين

وانشالله اكون افدتكم بالخبر


ملاحظه:

قبل في منتدى مملكة راشد كتبت موضوع شبيه للموضوع هذا كان خبر لنزول البوم مسرب بالتحديد الشريط اللي كان مسويه اخوي الغالي عاشق العندليب اللي حاط عليه اسمه لما كتبت الخبر تفاجأة بحذف الاداره للموضوع بدون ذكر اي سبب

المهم اتمنى ما اشوف مثل الظلم اللي واجهتة من مملكة راشد الماجد
واتمنى ان اجد مكاني بينكم

وشكرا للجميع
سفير الماجد
31-12-2005, 01:42 AM
هلابك يالغالي

وابداً مكانك محفوظ بيننا وليش نحذف موضوعك يالغالي

تنحذف مواضيعنا ويبقى موضوعك يالغالي ^_^

فقط ينقل الموضوع لمكانه المناسب
₪ LaDy QaTar ₪
31-12-2005, 01:51 AM
هلا والله فيك اخوي
والف شكر على الخبر الي جايبه معاك
وانشالله تفيد المنتدى وتستفيد
الحل الصعب2005
31-12-2005, 01:51 AM
بعد عمري والله يامبدعنا سفير الماجد

هذا الرد اللي يشرح الصدر

اسكت والله شفت منهم اشياء ماتنقال

والله مره كتبت موضوع مو يستاهل التثبيت الا يستاهل الحصول على جائزه :)

والله مره كتبت موضوع عنوانه كلمات اغاني راشد الماجد القديمه وكتبت الموضوع بأكثر من ثلاث ساعات وجمعت فيه كلمات اغاني راشد القديمه لخمس البومات تقريبا من الثمانينات وتفاجأت ان الموضوع ماقابله اي اهتمام من الاداره مع انه كان عاجب الاعضاء ومو مهم عندي الاداره مدام اهو عاجب الاعضاء المهم بعد فتره ادرور موضوعي ومالقيته واوصلتني اكثر من رساله من الاعضاء يسألوني عن الموضوع هذا دليل انه مهم الموضوع

تدروون الظلم متى يصير؟؟

لما اكون انا كاتب موضوع بثلالث ساعات وبمجهود شخصي ومافي احد سبق ان سواه وانا متأكد لاني بحثت بالموضوع قبل لا انشره
الظلم ان موضوعي يهمل والمدير العام بوفيصل كان منزل موضوع فيه يمكن كلمات خمس اغاني من اغاني راشد تقريبا وكلها جديده الكله يعرفها والموضوع مثبت وموضوعي انا للأسف ماشفت اي تقدير للتعب فيه

والله عندي كلاااااااااااام يعور القلب بس حبيت اعطيكم فكره عن الظلم اللي واجهته هناك

وعشان محد يقول انا اتبلى عليهم انا نكي عندهم كان وينك^حبيبي ويمكن احد يذكر موضوعي


واسف على الاطاله
awsi
31-12-2005, 02:01 AM
حصل خير

يالغالي
A SH J A N
31-12-2005, 02:07 AM
مشكور خيو على الخبــر الرائـــع

وبيني وبينك انا ابي هالكاسيت^_^

لاني حاولت انزل الاغاني على كاسيت ماعرفت^_^

يعطيك العافيه خيوو

:heartpump تحياتي :heartpump

ش ج و ن ه
][][ alwafi ][][
31-12-2005, 02:13 AM
الف شكر خيو

وطبعاً كلها أغاني قديمة

سامعينها منذ مبطي ^_^

دمت بخير
ღ صعب المنال ღ
31-12-2005, 02:15 AM
مشكور اخوي الغالي على الخبر الرائع؟...

و اخــــــــــــــــــــــيرا؟؟؟

اخــــــــــــــ،،،ـــــــــــــــوك مجنون ازرق...
الحل الصعب2005
31-12-2005, 02:25 AM
مشكورين على المرور كلكم

واشجان اطلب الشريط اللي تبيه حق راشد ويوصلك لمكانك والله

كل اشرطة راشد عندي الرسميه والغير رسميه

واللي يبي اي شريط انا حاضر ومن عيوني بعد
₪ LaDy QaTar ₪
31-12-2005, 02:27 AM
تسلم عيونك اخوي وماتقصر
وانشالله اي اغنيه نبيها راح انجيك انشالله
والمنتدى هنا بعد مايقصر مامخلينا نحتاج شي ماشالله عليهم
عاشق العندليب
31-12-2005, 06:11 AM
هلا أخوي

وبالفعل في ألبومات كثيره تطرح لراشد غير رسميه

وموضوعك مافي شئ عشان ينحذف!!؟؟


عالعموم حياك الله بين أخوانك وأحبابك

وياليت ما تذكر اي شئ عن ممكلة راشد

لانهم بالأول والاخير يبقونا أخوانا وحبايبنا

تحياتي
عاشق الهدايا
31-12-2005, 08:05 AM
انا شفت الشريط والشركة

شركة وهمية
# عـاشـق راشـد #
31-12-2005, 11:45 AM
الف شكر حبيبي . .

وارجو منك عدم الكلام عن موقع ومنتدى بـ حجم مملكة راشد الماجد

وإذا كان حذفوا موضوعك أكيد في اسباب هم ادرى منك عنها

وانا واجهتني مثل هذه الأمور ولما اسأل يقولون لـي ليه حذفوه

ومافيها شيء

ارجو عدم الكلام عن مملكة راشد الماجد بـ هذا الأسلوب .. لانه يبقى في الأول والأخير المنتدى الرسمي لـ راشد الماجد

وارجو ان محد يزعل من كلامي . .

الف شكر حبيبي مره ثانية . .

http://http://almesaafir.jeeran.com/1.gif
تـحياتـي وأشـواقـي . .
صدى الماجد
31-12-2005, 12:31 PM
هلا فيك اخوي بين اخوانك وخواتك
لـبنانية
31-12-2005, 01:41 PM
وانا بعد كنت بمملكة راشد وللصراحة انا احس هنا براحة اكبر مع حبايبي يا احلى اعضاء
رعبوب السعودية
31-12-2005, 01:54 PM
يسلموو على الخبر

وفي اشرطه غيره موجوده بالسوق

لكن هذا فيه مجموعه حلوه

يسلموو



سلا1111مي،،،،؛
*عاشق.السندباد*
31-12-2005, 01:57 PM
ياااابووي اكوووو اشرطه وايد

انا عندي اكثر من
70 شريط
>>>>>>>>>>>>>> غير رسمي
صــبري ملــني
04-01-2006, 11:07 AM
مشكور اخوي
مسافر للأبد
19-01-2006, 03:37 AM
مشكوووووووور أخوي ..
شوشو بنت بوب
19-01-2006, 06:18 AM
يعطيك العافيه
وماقصرت
راعي الحافلة
19-01-2006, 09:47 AM
الف شكر لك عزيزي على أجتهادك في الطرح

طرح موفق ورائع من شخصك ..





على كلاً .. جميل ماخطته اناملك الرائعه .

لاتحرمنا من أطلالتك العطرهـ ..

ولك .. خالص أحترامي وتقديري ..





--*¨®¨*--|راعي الحافلة |--*¨®¨*--
فهودي707
26-01-2006, 05:06 PM
مشكور اخوي الغالي على الخبر الرائع
MiShArY
26-01-2006, 09:01 PM
اول شي يعطيك العافيه اخوي على هالموضوع

ولكن عندي كم ملاحظه

========
قبل في منتدى مملكة راشد كتبت موضوع شبيه للموضوع هذا كان خبر لنزول البوم مسرب بالتحديد الشريط اللي كان مسويه اخوي الغالي عاشق العندليب اللي حاط عليه اسمه لما كتبت الخبر تفاجأة بحذف الاداره للموضوع بدون ذكر اي سبب

المهم اتمنى ما اشوف مثل الظلم اللي واجهتة من مملكة راشد الماجد
واتمنى ان اجد مكاني بينكم

=======

اول شي اخوي ماافي شي ينحذف بدون سبب واغلب الظن ان الموضوع كان مكرر

ثاني شي وش بينهم وبينك عشان يظلمونك او او او هم مايعرفونك ولاشي يوزر مثل

اي يوزر اخر ولوو كان هالكلام صحيح ماكاان وصلت مملكة راشد الى مااوصلت له ...

==========
اسكت والله شفت منهم اشياء ماتنقال

والله مره كتبت موضوع مو يستاهل التثبيت الا يستاهل الحصول على جائزه
==========

كيف قييمة موضوعك على انه يستحق التثبيت او جائزه مهما كان تقييمك للموضوع

يبقى راي الجمهور هو الاهم ومملكة راشد كان فيهاا اعضاء يكتبون بالجريد اليوميه

وكانواا ينزلون مواضيع مو دايم تتثبت...... الموضوع الجدير بالتثبيت يثبت للأستفاده..

===========

والله مره كتبت موضوع عنوانه كلمات اغاني راشد الماجد القديمه وكتبت الموضوع بأكثر من ثلاث ساعات وجمعت فيه كلمات اغاني راشد القديمه لخمس البومات تقريبا من الثمانينات وتفاجأت ان الموضوع ماقابله اي اهتمام من الاداره مع انه كان عاجب الاعضاء ومو مهم عندي الاداره مدام اهو عاجب الاعضاء المهم بعد فتره ادرور موضوعي ومالقيته واوصلتني اكثر من رساله من الاعضاء يسألوني عن الموضوع هذا دليل انه مهم الموضوع

===============

عزيزي هل تعلم بأن مملكة راشد تم اختراقهاا اكثر من مره وانا مواضيع واجد اختفت

ولم يرا لهاا اي اثر ...............

==============

لما اكون انا كاتب موضوع بثلالث ساعات وبمجهود شخصي ومافي احد سبق ان سواه وانا متأكد لاني بحثت بالموضوع قبل لا انشره
الظلم ان موضوعي يهمل والمدير العام بوفيصل كان منزل موضوع فيه يمكن كلمات خمس اغاني من اغاني راشد تقريبا وكلها جديده الكله يعرفها والموضوع مثبت وموضوعي انا للأسف ماشفت اي تقدير للتعب فيه

================

عزيزي هذاا موضوع مثبت من ادارة المنتدى ويضااف عليه كل بين فتره والثانيه

اي انهم مااحطوا الموضوع واكتفو لا يضاف له .....

وبعدين تقول ان مااحد سبق وسوااه وبعدين تقول ان بوفيصل كان مسويه وحاط فيه

خمس اغااني على قولتك ...... ماادري تناقض نفسك يااخوي ساعه تقول مااسبق لاحد

سواه وبعدين تقول انه موجود؟؟؟

على العموم اسف على الاطاله واتمنى مااتزعل من كلامي وعلى فكرره اناا مااكنت

بالاداره كنت عضو حالي حال اي عضووو ولم ارى اي شيء من هالكلام حصل معي

وبالعكس كنت الاقي افضل معامله .... تحيااتي ،،،،
CONVICT
28-01-2006, 02:06 PM
وبالفعل في ألبومات كثيره تطرح لراشد غير رسميه


من جد
وشلون ما اغليكـ
01-02-2006, 05:15 PM
الف شكررررررررر
#سفير الشوق#
02-02-2006, 09:36 AM
اي نعم الشريط موجوود ومتوفر بمحلات الاغنيه كميه معقوله
ثـــامـــر
02-02-2006, 11:18 AM
مشكور خيو على الخبــر الرائـــع:)

وبيني وبينك انا ابي هالكاسيت^_^:)

لاني حاولت انزل الاغاني على كاسيت ماعرفت^_^

يعطيك العافيه خيوو


تحياتي ثمووري
بنت شيوخ
13-02-2006, 04:25 PM
الأغاني اللي قلتها حلوووووووووووووووووووووه
تسلم
بنت شيوخ
13-02-2006, 04:27 PM
راااااااشد وبس
8شاعرةالكويت8
17-02-2006, 07:01 AM
وايد اغاني موجوده لراشد تنزل في البومات غير رسميه واسغرب بصراحه وكل ما اسمع اغنيه اقول ان اللي يغني مو راشد والصوت صوت راشد واحساس راشدبس اجذب نفسي واكتشف انه اهو
مستحيل ان هالاغنيه تنزل بدون خبر لها وااسأل نفس راشد عنده علم بالامور اللي تصير واللي احنا جمهوره مستغربين اهو مايستغرب وهالايام نازل فيديو كليب لراشد شفت موتي هل راشد يدري عنه

تحياتي