خبر عن راشد

[ناصر بن خالد الهاجري]

الخبر هو ان اكبر اعلان فني على جرايد رسميه منها الوطن الكويتيه والراي العام والقبس والاعلان كله صوره لراشد الماجد موكتوب عليه
راشد الماجد على موبايلك قريبأ
ولا فهمت شنو يعني


والحين جا وقتك ياعاشق العندليب عشان تقولي شنو يعني هالاعلان

[غضنفر]

اعتقد يقصدوا الرنات على الموبايل اغاني راشد
تحياتي .

[m7ammad]

ايه اظن نغمات وهالاشياء

لان لو دعايه لراشد كان عرفنا فيها من اول

وبانتظار عاشق لتوظيح الخبر

[حلم الأمل]

انا اتوقع قصدهم الرنات
لاني على مااعتقد سمعت هالاعلان بالتلفاز

[عاشق العندليب]

هلا اخوي ..

هذا اعلان عن رنات ونغمات للماجد..

بعد تعاقد شركه ( aiwa gulf)
عن طريق شركة الاتصالات المتنقله الكويتيه ( mtc )

مع راشد الماجد ..

في خدمه خاصه .. لمشتركي ( ام تي سي ) و ( ايزي )
باسم ( خدمة راشد الماجد )...

وسعرها ( 750 فلس )
توفر لك 3 رسائل ( mms ) على موبايلك
خلال اسبوع ..
لاغاني وصور لراشد الماجد ..

وطبعا الصوره الموضوعه بالاعلان ( رهيبه ) وجديده لراشد
وكنت اتمنى الكل يشاهدها...

اتمنى افتدتك بالموضوع ..

اسمحلي انقل الموضوع لمكانه المناسب ..

تحياتي

[ناصر بن خالد الهاجري]

الف الف شكر لك ياعشق عندليب الخليج راشد الماجد

[عبدالمحسن حربي]

يا اخواني وجود راشد الماجد على الجرايد والمجلات شي طبيعي
واكيد انه مسوي نغمات جديده لغنية جلمود لانها تخص دولة الكويت

[اسيرة راشد]

تسلم ويسلم ربي ايدك

[الغنيم]

.,.,.هلا وغلا.,.,.
والله اضن ..اني بعد سامع الأعلان بس عند ناس بس الي سألتهم يقولون.....
مو متاكدين زيييين
والله أعلم*wat*

[سفيــرة الغــرام]

يعطيـك الف عافيه وتسلم حتى انا شفته

[(*منبع الحنان*)]

:) *ehe* انا أبي أسأل سؤ ال كيف أحط بتوقيع صورة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اللي يعرف يعلمني...*love* :i: t: :f: :f: :f: :f: :f: :f: :f: :f: :f: :f:

[حبيب الماجد]

يمكن قصدهم اعاني يديده او رنات

[الاميرة الخجولة]

شكرا تسلم

[مولانا]

السلام عليكم يا أخوان
أنا مشتركة جديدة بهالمنتدى الحلووو و أكثر من روعه بفضل الأخوان ....
أما بالنسبه لخدمة راشد على الموبايل... أنا أشتركت فيها... عجيبه يدزووون جلسات و صور و خلفياااات عجيبه ..

خوش خدمو و تستاهل ... دزولي أغنية (هلي) بالعود عوااار قلب الصراااحه ..