هل تعتقد أن راشد سيحافظ على الاغنية الكلاسكية و المكبلهة؟

[milad2]

طبعاً كلنا نعرف ان راشد كان من زمان يغني كلاسيكي وحلو مثل المسافر وغيره لكن الحين بعد اما انتشر من سنة 1999 من اغنية يا راشد صار فاشل في الأغاني السريعة وللأسف صار يكثر الأغاني السريقة عن الأغاني الكلاسكية يعني يحط 4 أو 5 أغاني كلاسيكي والباقي كله سريع وماله داعي اسمحولي شباب انتقد شوي وارد على اخوي Q8sky على انه قال انه نجح وما سقط انا اقول انه نجح لكن سقط عن فئة جمهور الكلاسيكي وهذا للأسف ما أسميه : فخ مجاراة الجمهور وهو كيف يصير ؟ ان المغني أول السنين يغني على كيفه عادي تالي يدي وقت معين يغير روتين ألبوماته إلى ان يجاري المراهقين ولكن سيفقد جمهوره القديم محبين الأغاني الكلاسكية وبعدين انا مستغرب منكم اشلون تحبو منه المسافر مثلاً ودلوعتي أو غلاها ؟؟؟؟؟ وش هالتنافض لازم الواحد يحب للمغني جو معين انا ما ابيكم تجاوبوني إجابات ديبلوماسية بقول: كل الألوان لاقية عليه انا احب الصراحة يا جماعة يا خي الحين بعد أفرح خبر في حياتي اسمعته هو امتلاكه لشركة فنون الجزيرة لكن هل سيغني على كيفه او بيجاري الجمهور كالعادلة للأسف أغلب الفنانين يكثروا شي على شي ما يجارو بالتساوي واحد مشهور مثل مثلاً أبو بكر سالم يجاري بس المثقفين وغيره والمطربين الشباب اللي من جيل راشد يجاروا بس المراهقين طيب وين راحت أغاني القديمة والمكبلها طارت؟؟؟؟؟!!!!!!!!!!!! ياخي من زمان كان من كل شريط يحط اغنية مكبلهة لكن هل في هذا الشريط بيحط؟؟؟ أول عشر سنوات كان فيها عدل بس أخر السنوات من 1999 إلى الآن صار يجاري المراهقين تدريجيأً وينسى الأغاني الكلاسكية لكن انا متأكد انه يقدر ينجح الكلاسيكي والدليل على كلامي اغنية نسيناكم لما صورها نجحت نجاح كبير لكن وين راحت الأغاني المبكلهة منه ياليت لو تجاوبوني هل الحين أغاني أحسن من أول أو أغاني أفشل من أول؟؟؟؟؟؟؟؟
اسمحولي إذا كلامي في شتم أو شي لكن انا من واجبي كمحب لراشد اني انتقده في عماله مثلي مثل الصحافة

[يا ناسينا]

هل واللة فيك اخوي ان معك في وجهة نضرك ولا اقول انك غلطان واحترم وجهة نضرك ولاكن

المطرب الذكي يضطر يغير من تكتيكات البوماتة بسبب تغير اذن المتذوق خذ مثلا الفنان اصيل

ابو بكر سال عن الاغاني المكبلهة وندرتها في البومات الفنانين وهو من ضمنهم قال ان اذن

المستمع ليس كما في الماضي اوك ان وانت وفلان وعلان نحب مثل هاذة الاغاني ولاكن الباقي

اغلبهم اشوف يحب اللون النقازي وراشد في البومة الحل الصعب غنى مثل ه اللون في اغنية

الحل الصعب وان ترى اايد رايك في ان راشد لازم يحط الاغاني المكبلهة بعين الاعتبار ويجعلها

في مقدمة اختياراتة في انتقتاء اغانية ولكن السؤال هل اذن المتذوق كما في السابق

اخوي اتمنى اني قدرت افهمك وجهة نضري وشكرا على الموضوع حبيبي

[لمــــار]

تسلم يدينك أخوي على الموضوع

وبصراحه أنا أخالفك الراي أحب الألبوم يكون منوع

مابين الكلاسيك والنقازي وبصراحه أنا أفضل الأغنيه

الكلاسيكيه القصيره مثل يابعد هالدنيا وألا ياوقت وتوصي

شي ووحشتيني وتجرحي أما الأغنيه المكبلهه حلوه

بس مو بكل ألبوم يعني بعد كل ثلاث أو أربع ألبومات

أغنيه وحده مكبلهه وبس

هذا رايي وطبعا الاختلاف في الرأي لايفسد للود قضيه

[ناعمه بس خوافه]

آلف شكــر آلف شكــر موضوع رآئــع

[milad2]

والله يتقبلوها ونص بعد لو تشوفوا السيارات اشلون تحط نسيناكم في فترة تصوريها وش لون نجحت والحل الصعب اسمع واحد في المدرسة يقول لي مقطع منها وحافظنها واحد آخر مع أنه تلاقيه يحب الأغاني السريعة انا ما يهمني إذا بتتلقاها والا لا يهمني ان المفروض في تساوي في الموضوع ما يجاري شي على شي لو تشوفوا الدليل على كلامي الفنان حسين الجسمي نجح في بودعك و مايسوى وفي ألبومه اغنية فقدتك و صابر وشوفوا اشلون اختياراته وألبوماته تربح أجل لو راشد يتعامل مع حسين الجسمي في تلحين الأغاني الكلاسكية كان ممكن تنجح لا تنسوا بعد عباس ابراهيم نجح في ناديت وخير دليل في هذي الأيام تسمعوا دايماً الأماكن (اللي اتوقع ان محمد عبده هو اللي يبيها تنجح وعندي دليل على كلامي) المهم انه يحافظ على الاغنية الكلاسكية حتى لو يغني اغنية اغنيتين ثلاث انا يا خوفي في ألأبومات جاية ما يغني كلاسيكي أبداً والواحد دايم على اعصابه ينتظر وفعلاً كلامكم احترمه انه يبي يجاري الجمهور لكن انا مستغرب في بعض الفنانين ما جاروا الجمهور ونجحوا مثل عبادي الجوهر وغيره وغيره الكثير من الفنانين الجدد نجحوا في المكبلهة والكلاسكية وراشد اظن بأنه بينجح مئة بالمئة أجل ليش سموا الجمعور (جمهور راشد)معناتها اهم بيتقبلوا أي شي ونسيناكم والحل الصعب و عفناك خير دليل على ما أقول وانا عندي سبب لنجاح الاغنية الكلاسكية الاسم الغريب مثلاً الحل الصعب تلاقوا اسمها مختلف عن كل الأغاني اللي نعرفها فلو يكون اسم الاغنية الكلاسكية لافت كانت بتنجح وانا مع اخوي ان لازم تكون أغاني مكبلهة وقصيرة دقيقتين ثلاث دقائق مثل يا بعد هالدنيا ليه على أساس الناس تعرفها وبعدين سؤال بسيط انتوا وين عندكم أحسن ؟ اغنية مثل المسافر تتغنى بعد 50 أو 60 سنة والا اغنية تنجح وتضرب وتالي تنتهي بسرعة؟؟؟؟؟؟؟؟؟؟مثل ما يقول خالد الشيخ الاغني ةالسريعة مثل الحريق الكبير اللي في البيت يجي المطافي ويطفيه وتالي تنتهي سنة سنتين والكل نساها صحيح لابد للمطرب التنوع لكن يا اخوي أي ثلاث أي أربع لا الهدايا لا مشكلني ولا الحل الصعب حط مكبلها ولو ثلاث دقائق مثل يا بعد هالدنيا ليه على أساس الناس تسمعها وأهمشي عندي يحط اغنية كلاسكية من كل ألبوم لأني احس الاغنية السريعة ماتناسب على شخصيته بس عندي سؤال ثاني يا جماعة ليش المطربين الجدد (حسين الجسمي . عباس ابراهيم ) ناجحين في الكلاسيكي أكثر من غيرهم؟؟؟؟؟ هذا اللي قلت عنه من شوي لازم يكون اسم الاغنية لافت علشان الناس تسمعه ما يكون اسمها عادي مثلاً حبيبي أو روحي أو إلخ إلأخ الأسماء المتكررة بكثرة والمسافر أحد الأسماء اللافتة وناجحة عند محبين راشد القدماء و تأخرتي بعد في شوي لافت أيضاً هذي نجحت وبقول لكم شي؟ ترى حتى الأغاني السريعة ما نجحت الا بالاسم اللافت مثل دلوعتي وغلاها ما تشوفوا اليوم أسماء مكررة مثل هذي يمكن لو سماها حاجة ثانية ما كانت بتنجح سؤال ثاني ليش أغلب المطربين ينتقدوهم محبين الاغنية السريقة بقولهم غني رقص .....إلخ ومحبين الاغنية الكلاسكية بيضطروا انه ما يقولوا له شي أبد؟؟؟؟؟؟!!!!!!!! وهذي حصلت مع كذا فنان

[" احلى المشاعر "]

آلف شكــر آلف شكــر

ومن اهم شروط الشريط يالغالي يكون مشكل

عشان يرضي اكبر عدد من الادواق

احترامي

[SaRoOnA]

السلام عليكم milad2

الف شكر على طرحكـ الجريء و اكيد ان دل فيدل على حبك واعجابك بالفنان راشد ، وانا من أشد

المؤيدين لك .. وسجل توقيعي بعد :) عنجد وخصوصاً بهالجم سنه الأخيرة والألبومات الأربعة

الأخيرة كان مستوى راشد أقل من العادي وهذا شي ماتعودنا عليه .. رغم حصر راشد للمراكز الأولى

بعد طرح الالبوم لعدة اسابيع و استولائه على أكبر مبيعات في الشرق الأوسط ، لكن للأسف

كانت أغاني ( عابرة ) سمعناها فترة ونسيناها .. على عكس الأغاني الكلاسيك القديمة اللي كانت

تملي البوم راشد و اهي اللي تخلينا للحين نسمعه ، من ناحيتي أسمع ألبوم ( المسافر ) أو ( تظحك الدنيا )

أكثر من ألبوم ( الحل الصعب ) يمكن البوم ( الهدايا ) شوي كان أحسن من الحل الصعب وخصوصا

بـأغنية توصي شي و الاياوقت وغلطة الايام والهدايا

لكن كنا نتوقع البوم الحل الصعب يكون أحلى وأحلى لكن للأسف خاب ظنا .

أتمنى الالبوم الياي يكون بالمستوى اللي حببنا براشد ، و يبدع بالكلاسيك

مع التنويع بالالوان الثانية .

يعطيك العافية اخوي

[milad2]

مشكورين " احلى المشاعر " و SaRoOnA على آرائكم أخيراً في اعضاء ردوا وان شاء الله اشوف المزيد من الآراء

[milad2]

ما اشوف ناس ردوا على الموضوع ؟؟؟؟؟

[واقعي]

كلامك جميل اخوي وفيه من الصحيح الكثير ...


وراشد بعد اتجاهه للتجاره الفنيه ...


صار يتخبط بأعماله كثير ...

[اسراء]

يسلموووووووو على الموضوع الرائع
وننتظر كل ما هو جديد منك

[AZ!Z^88]

قدهـا وقدوووود بوطلال:)

[صدى الماجد]

كلامك صحيح اخوي اغاني راشد فقدت

رونقها وطابعها الخاص بالفترة الاخيرة

نتمنى الالبوم الجاي قد المستوى المطلوب

ويرجع لنا راشد زمااان الي يبدع ويسلطن

باغانيه....

الف شكر لك على موضوعك

دمت بود
اختك (( صدى الماجد))

[عرباوية]

يعطيك العافيه

تحياتي

[مجنـــون ليلـــى]

راااشــد من ابداااع الى ابـداااع

راااشد مستواااه مااانزل بالعكس يزيد مستواااه

واغاانيــه قمه في الرووعـه

يبهركـ بااغاانيــه

رااشد عااارف ان الااغنيه الكلاسيكيه لهااا عشااقهااا

واكيــد بيحاافظ عليهااااا

تحيااااتي

مجنــوون

[جود سطام]

ياحلو راشد وياحلو أغاني راشد.

[Ebяαhєм αℓqσhмαηi]

اكييد راشد راح يستمر بتقديم الاغاني المكبلهة والكلاسيكيه وهذا شي واضح في مسيرة راشد
راح لم يتاخر عن تقديم الجديد ولكن لايتنازل عن الاصل

[مجنون رشود]

نتمنى ذلك ...

ويعطيك الف عافية .

م ج ن و ن