هنوفة نجد
27-06-2005, 07:25 PM
احم احم
سلامووون عليكووم تسيف الحال عساكم بخير واللي مهوب بخير احسن
بينمــا كنت في يوم من الايام اتنقـل في شوارع الرياض << تعرف فصحى
لقيت عيال المنتدى صافين عند اشارة وحده << يمديكم ع الصدف
وبقوولكم كل واحد وش قاعد يسوي
طبعا انا منيب فاضحتكم
كل واحد يقول من نفســوووه
يالله شوفوا معي
النوع الاول|
وهو الي يستغل وقته ويرتب سيارته ويفتح دروج سيارته ويعفط في هالفواتيرويرميها في الشارع وفجاءه ماتدري الاوهو ناقز في المرتبه الي ورا يرتبها ولا تستغرب اذا شفته ناط في شنطه السياره (الرجال مرتب)وتنفتح الاشاره والاخ مشغول في التنظيف
النوع الثاني|
وهوالي تقول توه يكتشف ان وجهه محتاج تنظيف ويسحب في المنديل وعلى خشمه واذا خلص طفى السياره علشان ينظف اذنه بالمفتاح (قصده شريف)
وشوي ويقص اظافريده وماتدري الاوهو مرفع رجله يقصها هذا اذا كان معاه مقص اظافر واذا ماكن موجود فالحل موجود طبعا يقص اظافره بواسطه اسنانه (قمه النظافه)ولا تستغرب اذا شفته مطلع راسه ويغسله بالشامبو
النوع الثالث|
وهو اكثر واحد يفرح اذا وقف عند الاشاره علشان يبداء يستعرض ويرقص ويردح هو واخوياه ويرقصون السياره معهم
النوع الرابع|
وهو عكس الي قبله وهوالي يشغل شريط خالد عبدالرحمن (ومغلدم)وانواع التغلق والحزن وطبعا الاغنيه من كثر ماهي قديمه تشك انه مغنيها قبل توحيد المملكه ويكون وجهه مورم من الصياح
النوع الخامس|
وهو الي تقول توه مكتشف انه ابو وماتسمع غير هواشه وتلعينه على بزرانه الي مالين سيارته وماتدري الا وهو ساحب العقال ومخري التشخيصه(يستعمل اساليب التربيه الحديثه)ويرجمهم بكرتون المناديل الي ماليه السياره والفضل يعود للمحطه البنزين لو تمر جنبهم عطوك منديل هديه
النوع السادس|
وهو الي يستغل الوقت ويجلس يشخص ويرش عطر وشوي لايحط روج ومعلق الايرفون في اذنه ومشغل شريط (سيلين ديون)مسوي جو اجنبي وانواع القز في السيارات الي جنبه
النوع السابع
وهو الي اذا شفته ترحمه وتقول ميت من الجوع وتشك انه جالس في مطعم مو في سياره الرجال ماسك الهمبرجر بيد والببسي والبطاطس بيد والشورما في حضنه والفطاير جنبه والبيتزا في المرتبه الي وراه ولا تستغرب لو شفته داب في مفطح
النوع الثامن|
وهو الي تحس انه ماعنده وقت ابد ودايم بزي ولابس نظاره وخاتم ومبحلق في الجريده ومسوي زحمه في الشارع والي جنبه طفشان ومشتغل مسجات بالجوال
النوع التاسع|
وهوالي سيارته زحمه مو ناس لا ماخلى ثوب ولا شماغ ولا بدله ولاجزمه لكم الكرامه حتى الشراب الا ومركبها معه عشان يكون تبديل الملابس اسرع عند الاشاره حتى البطانيه جايبه وماخذها معاه تعرفون الجو متقلب
النوع العاشر والاخير|
وهو اذا كان سواق طبعا الضعيف ماسك النطاره ومتعلق في الدركسون والابداع يكون وراه عند المدام واخواتها انواع السواليف والحش ولما يكونو توهم طالعين من السوق كل وحدها تطلع مقاضيها وتوريهم وشوي الا وهي متحمسه وصاقعه السواق برجلها الاخت معذوره جالسه تقوس الجزمه لكم الكرامه الجديده
يالله قولوا اي نوع انتوا
ولا ترى ببدا افضحكـــــــــم
وخيتكم
هن هن
سلامووون عليكووم تسيف الحال عساكم بخير واللي مهوب بخير احسن
بينمــا كنت في يوم من الايام اتنقـل في شوارع الرياض << تعرف فصحى
لقيت عيال المنتدى صافين عند اشارة وحده << يمديكم ع الصدف
وبقوولكم كل واحد وش قاعد يسوي
طبعا انا منيب فاضحتكم
كل واحد يقول من نفســوووه
يالله شوفوا معي
النوع الاول|
وهو الي يستغل وقته ويرتب سيارته ويفتح دروج سيارته ويعفط في هالفواتيرويرميها في الشارع وفجاءه ماتدري الاوهو ناقز في المرتبه الي ورا يرتبها ولا تستغرب اذا شفته ناط في شنطه السياره (الرجال مرتب)وتنفتح الاشاره والاخ مشغول في التنظيف
النوع الثاني|
وهوالي تقول توه يكتشف ان وجهه محتاج تنظيف ويسحب في المنديل وعلى خشمه واذا خلص طفى السياره علشان ينظف اذنه بالمفتاح (قصده شريف)
وشوي ويقص اظافريده وماتدري الاوهو مرفع رجله يقصها هذا اذا كان معاه مقص اظافر واذا ماكن موجود فالحل موجود طبعا يقص اظافره بواسطه اسنانه (قمه النظافه)ولا تستغرب اذا شفته مطلع راسه ويغسله بالشامبو
النوع الثالث|
وهو اكثر واحد يفرح اذا وقف عند الاشاره علشان يبداء يستعرض ويرقص ويردح هو واخوياه ويرقصون السياره معهم
النوع الرابع|
وهو عكس الي قبله وهوالي يشغل شريط خالد عبدالرحمن (ومغلدم)وانواع التغلق والحزن وطبعا الاغنيه من كثر ماهي قديمه تشك انه مغنيها قبل توحيد المملكه ويكون وجهه مورم من الصياح
النوع الخامس|
وهو الي تقول توه مكتشف انه ابو وماتسمع غير هواشه وتلعينه على بزرانه الي مالين سيارته وماتدري الا وهو ساحب العقال ومخري التشخيصه(يستعمل اساليب التربيه الحديثه)ويرجمهم بكرتون المناديل الي ماليه السياره والفضل يعود للمحطه البنزين لو تمر جنبهم عطوك منديل هديه
النوع السادس|
وهو الي يستغل الوقت ويجلس يشخص ويرش عطر وشوي لايحط روج ومعلق الايرفون في اذنه ومشغل شريط (سيلين ديون)مسوي جو اجنبي وانواع القز في السيارات الي جنبه
النوع السابع
وهو الي اذا شفته ترحمه وتقول ميت من الجوع وتشك انه جالس في مطعم مو في سياره الرجال ماسك الهمبرجر بيد والببسي والبطاطس بيد والشورما في حضنه والفطاير جنبه والبيتزا في المرتبه الي وراه ولا تستغرب لو شفته داب في مفطح
النوع الثامن|
وهو الي تحس انه ماعنده وقت ابد ودايم بزي ولابس نظاره وخاتم ومبحلق في الجريده ومسوي زحمه في الشارع والي جنبه طفشان ومشتغل مسجات بالجوال
النوع التاسع|
وهوالي سيارته زحمه مو ناس لا ماخلى ثوب ولا شماغ ولا بدله ولاجزمه لكم الكرامه حتى الشراب الا ومركبها معه عشان يكون تبديل الملابس اسرع عند الاشاره حتى البطانيه جايبه وماخذها معاه تعرفون الجو متقلب
النوع العاشر والاخير|
وهو اذا كان سواق طبعا الضعيف ماسك النطاره ومتعلق في الدركسون والابداع يكون وراه عند المدام واخواتها انواع السواليف والحش ولما يكونو توهم طالعين من السوق كل وحدها تطلع مقاضيها وتوريهم وشوي الا وهي متحمسه وصاقعه السواق برجلها الاخت معذوره جالسه تقوس الجزمه لكم الكرامه الجديده
يالله قولوا اي نوع انتوا
ولا ترى ببدا افضحكـــــــــم
وخيتكم
هن هن